Kryetari i Gjilanit, Lutfi Haziri, ka nisur përgatitjet për zgjedhjet lokale të 17 tetorit të këtij viti.
Ani pse ende nuk dihet nëse Haziri do të kandidojë sërish për kryetar të Gjilanit, ai ka takuar forumin e gruas së LDK-së në Gjilan.
Ky takim, sipas Hazirit, është bërë për mobilizimin e zgjedhjeve lokale të 17 tetorit.
Shkrimi i plotë që Lutfi Haziri ka bërë mbrëmë në Facebook:
Sot pasdite strukturat e LDK’së në Gjilan u takuan në kuadër të përgatitjeve për procesin zgjedhor lokal, 17 tetorin.Vlerësuan lartë procesin e Konventës për Rini dhe udhëheqjen e re me Gentrit Murselin, duke falënderuar udhëheqjen e Rina Ahmetit, e cila mori besimin e ri për anëtare të Kryesisë së Degës.
Konventa e Gruas, po ashtu, ishte një manifestim i madh politik i Gruas gjilanase në mbështetje të LDK’së.Po vazhdojmë me vizita në terren nëpër nëndegë, duke demonstruar besim dhe gatishmëri për zgjedhjet e 17 tetorit, derisa po vazhdon puna në takime me qytetarët, grupet e interesit dhe ekonominë lokale.Me besim në Zot, Familje e Republikë.