Sheqeri i hurmave përmban antioksidantë, që mbrojnë qelizat kundër sëmundjeve kronike. 

Ky sheqer është i pasur me fibra, të cilat ndihmojnë organizmin të ketë tretje më të mirë të ushqimit.

Këto fibra gjithashtu rregullojnë presionin e gjakut duke mundësuar qarkullim më të mirë të tij.

Sheqeri i hurmave ka indeks glikemik të ulët, gjë që bën të mira kur bëhet fjalë për sëmundjen e diabetit.

Ky sheqer nuk përmban gluten, gjë që e bën të përdorshëm për personat që janë intolerant ndaj tij.

Sheqeri i hurmave përmban vitamina e minerale esenciale si kaliumi, hekuri, magnezi e vitamina B6, të cilat sheqeri industrial nuk i përmban.

Ky sheqer mund të përdoret si zëvendësim i atij industrial duke shtuar shije e vlera ushqyese nëpër gatime të ndryshme.

The post Të mira shëndetësore nga sheqeri i hurmave appeared first on Gazeta Stop.

Bëhet fjalë konkretisht për produktin hurma, me ç’rast është ndaluar shitja e 49,352 paketimeve të këtij produkti.

Inspektorët e Tregut në bashkëpunim me zyrtarët e Metrologjisë, pas marrjes së mostrave kanë konstatuar së produktet hurma të peshës 550 gram dhe 600 gram nuk e kanë peshën e deklaruar sikurse në parapaketim dhe të njëjtat nuk e plotësojnë kriterin e mesatares dhe atë të përmbajtjes në etiketë.

Si rrjedhojë, subjektet ekonomike janë obliguar që të ndërmarrin veprimet e nevojshme për t’i eliminuar këto parregullsi, përkatësisht të vendosin deklaracionin me peshën e saktë të produkteve, dhe në secilin rast janë marrë masa ndëshkuese në pajtim me legjislacionin në fuqi.

The post Inspektorati i Tregut ndalon shitjen e rreth 50 mijë paketimeve me hurme appeared first on Gazeta Stop.

Edhe pse tre hurma hahen në fillim të Iftarit çdo ditë gjatë Ramazanit për arsye shpirtërore, ato gjithashtu vijnë me bonusin e shtuar të përfitimeve të shumta shëndetësore, shkruan realbuzz.com.

Një nga aspektet më të rëndësishme të agjërimit është marrja e sasisë së duhur të energjisë, dhe duke marrë parasysh se një porcion mesatar hurmash përmban 31 gram, ato janë ushqimet perfektë për t’ju dhënë juve një shtytje.

Hurmat janë gjithashtu një mënyrë e shkëlqyer për të marrë disa fibra shumë të nevojshme, të cilat do të ndihmojnë dhe përmirësojnë tretjen gjatë gjithë Ramazanit.

Ato gjithashtu kanë edhe nivele të larta të kaliumit, magnezit dhe vitaminave B, dhe shpejt bëhet e qartë janë një nga frutat më të shëndetshëm.

The post Pse është e rëndësishme të konsumoni hurme? appeared first on Gazeta Stop.

Është e rëndësishme që të ushqehemi shëndetshëm dhe të zgjedhim ushqimet për të pasur një agjërim sa më të lehtë, shkruan ClevelandClinicAbuDhabi.ae.

Duke qenë se për orë të tëra qëndrojmë pa ngrënë dhe pa pirë, një dehidrim i vogël është i natyrshëm dhe mund të çojë në dhimbje koke të lehta dhe mungesë përqendrimi.

Por si mund ta shmangni këtë?

Për ta mbajtur veten të hidratuar, siguroni që pini shumë lëngje pasi të keni prishur agjërimin në kohën e iftarit, por pini lëngje gjithashtu edhe në syfyr.

Pini çaj të lehtë pa sheqer, mund të shtoni copëza limoni ose mint të freskët për të ndihmuar në detoksifikimin dhe për të ndihmuar tretjen.

Reduktoni sasinë e pijeve të gazuara po ashtu edhe të kafesë, pasi këto pije e dehidrojnë trupin.

The post Dhimbja e kokës gjatë agjërimit, nëse ndiqni këto metoda në syfyr dhe iftar mund ta shmangni appeared first on Gazeta Stop.

“Pas mesnate, me syfyrin e parë, fillon muaji i shenjtë i Ramazanit. I uroj të gjithë qytetarëve tanë të besimit islam agjërim të lehtë e të shëndetshëm, mbarësi dhe begati në familje”.

“Forca e njeriut qëndron në durimin, veprat humane dhe respektin e ndërsjellë. Ndaj në këtë muaj e çdo ditë tjetër, të shpërfaqim solidaritetin nder njerëzor që e karakterizon popullin tonë. Urime muaji i bekuar i Ramazanit”, ka shkruar Osmani.

The post Osmani: Urime muaji i bekuar i Ramazanit! appeared first on Gazeta Stop.

Duke respektuar agjërimin gjatë ditës, trupi merr pushim nga tretja e vazhdueshme, gjë që mund të ndihmojë në përmirësimin e funksionit metabolik dhe promovimin e shëndetit dhe mirëqenies së përgjithshme.

Një nga përfitimet e para shëndetësore të agjërimit në Ramazan është se ndihmon në humbjen e peshës dhe përmirësimin e metabolizmit. Ndërsa trupi përshtatet me një sasi të kufizuar ushqimi dhe pije gjatë ditës, trupi fillon të përdorë yndyrën e ruajtur si burim energjie dhe e konsumon atë. Kjo çon në djegien e yndyrës dhe humbjen e peshës dhe metabolizmi i trupit gjithashtu mund të përmirësohet, duke e bërë atë më efikas në djegien e kalorive.

Agjërimi mund të ndihmojë në kontrollin e niveleve të sheqerit në gjak duke ulur rezistencën ndaj insulinës dhe duke përmirësuar ndjeshmërinë ndaj insulinës. Kur një person agjëron, trupi detyrohet të përdorë glukozën e ruajtur për energji, që ndihmon në uljen e nivelit të sheqerit në gjak. Agjërimi mund të ndihmojë gjithashtu në uljen e inflamacionit në trup, i cili është një faktor kontribues në rezistencën ndaj insulinës.

Përveç kësaj, agjërimi mund të ndihmojë në promovimin e humbjes së peshës, e cila është e rëndësishme për kontrollin e niveleve të sheqerit në gjak, pasi yndyra e tepërt e trupit mund të çojë në rezistencë ndaj insulinës dhe nivele të larta të sheqerit në gjak. Një nga përfitimet e rëndësishme të agjërimit në Ramazan është se forcon sistemin imunitar.

Gjatë një agjërimi, trupi kalon nga përdorimi i glukozës si burimi kryesor i energjisë në përdorimin e ketoneve, të cilat prodhohen nga rezervat e yndyrës. Ky ndryshim aktivizon një proces të quajtur autofagji, ku trupi fillon të shpërbëjë dhe riciklojë qelizat e dëmtuara, duke përfshirë ato në sistemin imunitar. Autofagjia ndihmon në përmirësimin e funksionit të sistemit imunitar, duke hequr qelizat imune të vjetra ose të dëmtuara dhe duke i zëvendësuar ato me të reja, të shëndetshme.

Agjërimi thuhet se ndihmon në përmirësimin e gjumit në disa mënyra. Agjërimi supozohet se zvogëlon nivelet e hormonit të stresit. Përveç kësaj, ndër përfitimet e agjërimit në Ramazan është se ndikon me një rritje të prodhimit të hormonit melatonin që nxit gjumin. Mund të ndihmojë gjithashtu në rregullimin e ritmeve cirkadiane, të cilat janë ciklet natyrale 24-orëshe që rregullojnë shumë procese fiziologjike në trup, duke përfshirë gjumin.

Duke përafruar ritmet natyrale të trupit me ciklin gjumë-zgjim, agjërimi mund të ndihmojë në përmirësimin e cilësisë dhe kohëzgjatjes së gjumit. Agjërimi është treguar se ul presionin e gjakut dhe promovon humbjen e peshës. Për më tepër, agjërimi thuhet se përmirëson ndjeshmërinë ndaj insulinës, e cila gjithashtu shoqërohet me presionin e ulët të gjakut.

The post Dobitë shëndetësore që sjell tek organizmi juaj agjërimi gjatë muajit të Ramazanit! appeared first on Gazeta Stop.

Hurmat e Arabisë gjenden kudo në dyqanet e ushqimeve të shëndetshme në Shqipëri.

Sipas nje studimi duhet të provojmë të konsumojnë 3 hurma në ditë dhe do të përfitojnë 5 vlerat e mëposhtme.
1. Shëndeti i zemrës
2. Nivelet e energjisë
3. Përmirësojnë aparatin tretës
4. Trajtojnë dhe parandalojnë aneminë
5. Kockat, gjaku dhe sistemi imunitar merr mineralet e nevojshme.

Së fundmi, por jo nga rëndësia, hurmat e Arabisë janë të mira për shëndetin, ndonëse kanë një nivel të lartë fruktoze.

Edhe nëse dieta juaj ju mban larg sheqerit dhe produkteve të ëmbla që përfshijnë sheqerin e arrës së kokosit, mjaltit, shurupit të misrit etj, mos harroni të konsumoni fruta. Kur përzgjidhni hurmat në treg kërkoni për frutat, lëkura e të cilave është e butë dhe jo e rrudhosur. Mos zgjidhini kokrrat me aromë të çuditshme ose tepër të forta.

Hurmat e thata të Arabisë mbahen në frigorifer dhe qëndrojnë deri në një vit. Hurmat e njoma duhen ruajtur në enë të izoluara mirë dhe mund të qëndrojnë deri në 8 muaj.

The post 5 vlerat ushqyese të hurmave appeared first on Gazeta Stop.

Hurmat arabe njihen si “fruti mbretërot” janë një nga frutat më të ëmbla në natyrë.

Fruti është i shijshëm dhe ushqyes, pasi përmban deri në 70% sheqerna.

Është një nga frutat më të vjetër, i kultivuar kryesisht në Egjipt, Marok, Arabinë Saudite dhe vendet e Lindjes së Mesme.

Në mbarë botën ka më shumë se dy mijë lloje hurmash. Ky lloj quhet frut mbretëror, sepse në të kaluarën, kjo shumëllojshmëri e veçantë hurme konsumohej kryesisht nga mbretërit.

Energjia që ofrojnë hurmat është për shkak të përmbajtjes së lartë të sheqerit, prandaj ato konsiderohen si “ëmbëlsues” i natyrës. Ato janë një zgjedhje ideale për të kënaqur dëshirat tona për sheqer, ndërkohë që ofrojnë përfitime shëndetësore që nuk do t’i merrnim nga ngrënia e ëmbëlsirave të paketuara dhe me shumë yndyrë.

Përfitimet ushqyese të hurmave arabe janë të shumta. Dy hurma përmbajnë 133 kalori, kryesisht nga karbohidratet. Ato janë një burim natyral i sheqernave, nga 36 gram karbohidrate gjithsej, 32 gram janë sheqerna.

Përveç kësaj, ato janë të pasura me fibra ato rezultojnë të jenë të dobishme për tretjen. Ato janë gjithashtu një burim i mirë i kaliumit, dy herë më shumë se bananet. Ato përmbajnë gjithashtu kalcium, vitaminë B6, acid pantotenik, bakër, fosfor dhe magnez.

Ato janë gjithashtu të pasura me antioksidantë si flavonoidet, të cilët luftojnë inflamacionin, karotenoidet, që nxisin shëndetin e zemrës dhe acid fenolik, i cili ka efekte anti-inflamatore dhe kardioprotektive.

Hurmat besohet se përmirësojnë jetën seksuale të çifteve.

Kryesisht i konsumojmë të thata. Megjithatë, vihet re se duhet të jemi të matur në konsumimin e tyre pasi nuk u mungojnë kaloritë. Siç është përmendur tashmë, ato kanë 133 kalori dy hurma që korrespondojnë me një porcion.

The post Hurmat arabe, një frut i ëmbël që nuk të bën dëm. Zbuloni përfitimet appeared first on Gazeta Stop.

Siç shkruan mediumi britanik “Nutrition”, kur ushqimi dhe uji futen në organizëm pas agjërimit, trupi nis të rihidratohet dhe të fitojë energji.

Kjo do të ndikojë që të ushqeheni ngadalë dhe të pini ujë disa herë gjatë vaktit.

Pirja e shumë lëngjeve dhe konsumimi i ushqimeve që përmbajnë lëngje si frutat, kosi, supa, janë të rëndësishme për zëvendësimin e ujit të humbur.

Mediumi rekomandoi që të shmangen ushqimet me shumë krip pasi mund të shtojnë etjen.

The post Çka i ndodh trupit pas ngrënies së iftarit? appeared first on Gazeta Stop.

Këtë e thotë një studim i Universitetit të Kalifornisë së Jugut sipas të cilit, kjo përbën mënyrën më natyrale për t’i dhënë krahë imunitetit.

Ekspertët kanë kritikuar prej kohësh regjimet drastike që promovojnë kufizimin e ushqimit, duke e përshkruar atë si jo të shëndetshëm.

Por ky studim i ri thotë se nëse trupi nuk furnizohet me ushqim, atëherë qelizat staminale nisin të prodhojnë rruaza të reja të bardha të gjakut.

Këto rruaza janë luftëtaret më të mira të infeksioneve.

Ekspertët amerikanë besojnë se ky zbulim, është i rëndësishëm sidomos për pacientët që vuajnë nga tumoret apo i nënshtrohen kimioterapisë.

Këta të fundit kanë një imunitet seriozisht të dëmtuar.

Dobësimi i imunitetit me kalimin e moshës

Gjatë rritjes, sistemi imunitar i njeriut dobësohet dhe e ka më të vështirë të luftojë sëmundjet.

Po kufizimi i ushqimit për 72 orë mund ta rikthejë imunitetin në shina.

Ka kufizime drastike ku pihen vetëm lëngje të lehta për tre ditë por edhe kufizime më të lehta siç është përgjysmimi i ushqimit për këto tre ditë.

Zgjedhja bëhet në varësi të gjendjes shëndetësore dhe këshillave të mjekut,

Kufizimi i ushqimit ndez motorët e rigjenerimit dhe çel rrugën formimit të rruazave të reja të bardha të gjakut.

Gjatë këtyre 72 orëve, trupi sipas ekspertëve, eliminon vetë pjesët e dëmtuara, vjetërsuara dhe jo efikase të sistemit imunitar.

Sistemi imunitar është tërësisht i ri ndërkohë që enzimat që rrisin rrezikun e plakjes ulen në numër.

Kufizimi i ushqimit detyron trupin të përdorë depozitat e glukozës dhe yndyrave dhe përbën një fillim të ri për organizmin.

Studimi në fjalë është bazuar në eksperimente të shumta, megjithatë ai duhet shoqëruar me studime të mëtejshme klinike.

Kufizimi i ushqimit nuk duhet bërë me hamendje apo pa rekomandimin e një mjeku specialist.

Sipas ekspertëve, imitimi i stilit të agjërimit, është një qasje më e sigurt dhe më e lehtë për t’u duruar dhe kapërcyer nga të gjithë ata që janë në dietë.

Një mënyrë e mirë është që të konsumoni arra në momentet kur ju merr uria.

Por mos e teproni, nuk duhet të konsumoni më shumë se 6 arra në ditë.

Shkencëtarët do të kryejnë një studim me pjesëmarrje më të gjerë, duke u motivuar nga gjetja se njerëzit që vuajnë nga rreziku i sëmundjeve që kanë lidhje ose shkaktohen nga obeziteti, përfitonin më shumë nga kjo lloj diete specifike. /AgroWeb/

The post Agjërimi për 3 ditë – si e rigjeneron trupin dhe qelizat appeared first on Gazeta Stop.