{"id":86093,"date":"2023-02-01T10:11:16","date_gmt":"2023-02-01T09:11:16","guid":{"rendered":"https:\/\/www.gazetastop.com\/?p=86093"},"modified":"2024-01-19T03:54:14","modified_gmt":"2024-01-19T02:54:14","slug":"berisha-5581-lende-i-mbyllem-vetem-gjate-vitit-2022","status":"publish","type":"post","link":"https:\/\/www.gazetastop.com\/berisha-5581-lende-i-mbyllem-vetem-gjate-vitit-2022\/","title":{"rendered":"Berisha: 5581 l\u00ebnd\u00eb i mbyll\u00ebm vet\u00ebm gjat\u00eb vitit 2022"},"content":{"rendered":"\n

Valon Berisha, drejtor i Financave n\u00eb Byron\u00eb Kosovare t\u00eb Sigurimit (BKS) tregon se vet\u00ebm gjat\u00eb vitit q\u00eb lam\u00eb pas BKS-ja ka arritur t\u00eb mbyll hi\u00e7 m\u00eb pak\u00eb se 5581 l\u00ebnd\u00eb n\u00eb vler\u00eb financiare prej mbi 9,5 milion\u00eb euro. Berisha tregon se n\u00eb fund t\u00eb vitit kan\u00eb mbetur rreth 2500 l\u00ebnd\u00eb aktive, apo rreth 700 m\u00eb pak\u00eb se sa ishin n\u00eb fund t\u00eb vitit 2021. Sipas t\u00eb dh\u00ebnave zyrtare t\u00eb BKS-s\u00eb shihet se l\u00ebnd\u00ebt aktive i p\u00ebrkasin viteve 2002 deri n\u00eb fund t\u00eb vitit 2020<\/p>\n\n\n\n

Vet\u00ebm gjat\u00eb vitit q\u00eb lam\u00eb pas Byroja Kosovare e Sigurimit (BKS) ka arritur t\u00eb mbyll hi\u00e7 m\u00eb pak\u00eb se 5581 l\u00ebnd\u00eb n\u00eb vler\u00eb financiare prej mbi 9,5 milion\u00eb euro.<\/em> Drejtori i Financave n\u00eb Byron\u00eb Kosovare t\u00eb Sigurimit (BKS) Valon Berisha tregon p\u00ebr \u201ciSIGURIME\u201d se fal\u00eb nj\u00eb pune dhe angazhimi t\u00eb madh, jan\u00eb arritur rezultate t\u00eb shk\u00eblqyeshme n\u00eb trajtimin dhe mbylljen e l\u00ebnd\u00ebve t\u00eb paraqitura p\u00ebr kompensim n\u00eb BKS.<\/p>\n\n\n\n

Berisha m\u00eb tutje tregon se me 31 dhjetor t\u00eb vitit 2021 kan\u00eb qen\u00eb gjithsejt\u00eb 3,208 l\u00ebnd\u00eb aktive. M\u00eb tutje sipas tij gjat\u00eb gjith\u00eb vitit 2022 n\u00eb BKS kan\u00eb ardhur edhe 4883 l\u00ebnd\u00eb t\u00eb reja. \u201cFal\u00eb nj\u00eb dinamike dhe nj\u00eb angazhimi shum\u00eb t\u00eb madh t\u00eb menaxhmentit, por edhe stafit gjat\u00eb vitit 2022 \u00ebsht\u00eb arritur t\u00eb mbyll\u00ebn hi\u00e7 m\u00eb pak\u00eb se 5581 l\u00ebnd\u00eb n\u00eb vler\u00eb financiare mbi 9,5 milion\u00eb euro. Numri i madh t\u00eb l\u00ebnd\u00ebve t\u00eb mbyllura d\u00ebshmon pun\u00ebn e madhe q\u00eb \u00ebsht\u00eb b\u00ebr\u00eb gjat\u00eb vitit q\u00eb lam\u00eb pas\u201d tregon drejtori Berisha.<\/p>\n\n\n\n

Ai m\u00eb tutje b\u00ebn t\u00eb ditur se n\u00eb fund t\u00eb vitit q\u00eb lam\u00eb pas t\u00eb pazgjidhura kan\u00eb mbetur edhe 2509 l\u00ebnd\u00eb t\u00eb cilat i p\u00ebrkasin viteve nga 2002 deri n\u00eb 2020. \u201cMe ardhjen e drejtori Mazreku n\u00eb BKS dinamika e pun\u00ebs ka ndryshuar krejt\u00ebsisht. Tash \u00ebsht\u00eb nj\u00eb dinamik shum\u00eb m\u00eb e lart\u00eb. Me ardhjen e drejtori t\u00eb ri numri i lendeve q\u00eb kan\u00eb shkuar n\u00eb Gjykata thuajse \u00ebsht\u00eb n\u00eb nivelin zero. Ne po b\u00ebjm\u00eb t\u00eb pamundur\u00ebn q\u00eb thuajse t\u00eb gjitha l\u00ebnd\u00ebt q\u00eb vijn\u00eb p\u00ebr kompensim n\u00eb BKS ti mbyllim me marr\u00ebveshje e jo me procedura Gjyq\u00ebsore\u201d ka th\u00ebn\u00eb m\u00eb tutje drejtori Berisha.<\/p>\n\n\n\n