Njëra ndër pikat kryesore të këtyre takimeve do të jetë edhe nënshkrimi i marrëveshjes për Financimin e Politikave Zhvillimore për Politikën Fiskale, Konkurrueshmërinë dhe Rritjen e Gjelbër ndërmjet Republikës së Kosovës dhe Bankës Botërore, që i sjellë Kosovës mbi 90 milionë euro me kushte të buta financimi.

Gjithashtu, me ftesë të Drejtoreshës Menaxhuese për Operacione të Bankës Botërore, Ministri Murati do të marrë pjesë në tryezën e diskutimeve ministeriale me temë “zbatimin e projekteve për rezultate më të shpejta dhe ndikim më të madh”.

Gjatë qëndrimit në Washington DC, Ministri Murati pritet të takojë edhe përfaqësues nga menaxhmenti i lartë i Bankës Botërore dhe FMN-së, si dhe institucioneve tjera që marrin pjesë në këtë ngjarje.

The post Ministri Murati udhëton për në SHBA, merr pjesë në takimet pranverore të Bankës Botërore dhe FMN-së appeared first on Gazeta Stop.

Një delegacion i lartë i Bankës Qendrore të Republikës së Kosovës (BQK), i kryesuar nga Guvernatori z. Ahmet Ismaili, po merr pjesë në takimet pranverore të Fondit Monetar Ndërkombëtar (FMN) dhe Bankës Botërore (BB), që po mbahen në Washington D.C. të Shteteve të Bashkuara të Amerikës.

Delegacioni i BQK-së do të ketë takime me zyrtarë të lartë të FMN-së dhe BB-së, ku do të diskutohet mbi zhvillimet e fundit ekonomike, fiskale dhe financiare dhe pritjet e mëtejshme.

Në takimet që do të zhvillohen nga 15 deri më 21 prill, Guvernatori Ismaili do të prezantojë prioritetet për sektorin financiar në pajtim me objektivat dhe Planin Strategjik të BQK-së, përditësimin lidhur me zbatimin e programeve dhe asistencave teknike profesionale, përfshirë nevojat e reja për mbështetje profesionale.

Në kuadër të vizitës zyrtare në SHBA, përfaqësuesit e BQK-së do kenë takime bilaterale me drejtuesit e Departamentit Thesarit të SHBA-së, Bankës Federale të New York – FED (Banka Qendrore Amerikane), si dhe me homologët nga bankat qendrore partnere.

Në kuadër të takimeve pranverore të FMN-së dhe BB-së, Guvernatori Ismaili do të takohet me Zëvendësdrejtorin Menaxhues të FMN-së Bo Li, Drejtorin e Departamentit Evropian të FMN-së, z. Kammer, Zëvendëspresidenten e BB-së për Evropën dhe Azinë Qendrore, znj. Bassani, Zëvendëspresidentin e BB-së njëherësh Drejtor i Thesarit, Familiar, drejtorët ekzekutiv të Konstituencave të FMN-së dhe BB-së, Palotai dhe Demircan.

Gjithashtu, delegacioni i BQK-së do të ketë takime me drejtues dhe zyrtarë të lartë të institucioneve financiare për bashkëpunim në fusha të interesit.

Paraprakisht në Boston të SHBA-ve, Guvernatori i BQK-së takoi drejtues të Universitetit të Harvardit, duke përfshirë Dekanin e Harvard Kennedy School, Dr. Elmendorft dhe profesorë eminentë që kanë shërbyer në pozita të rëndësishme shtetërore, si krye-ekonomistë, drejtues të Departamentit të Thesarit, anëtarë të Bordit të Rezervës Federale (FED Board), këshilltarë të ekonomisë në Shtëpinë e Bardhë.

Guvernatori Ismaili vizitën me ftesë të Universitetit e përmbylli me një ligjëratë para studentëve dhe publikut në kampusin e Harvardit, me temën “Tejkalimi i sfidave të sistemit financiar: Rasti i Bankës Qendrore të Republikës së Kosovës”.

The post Delegacioni i lartë i BQK-së merr pjesë në takimet pranverore të FMN-së e Bankës Botërore në Washington appeared first on Gazeta Stop.

Di Bella ka thënë se ekipi i FMN-së dhe autoritetet kosovare kanë arritur marrëveshje në nivel stafi për përfundimin e rishikimeve të para të SBA-së paraprake dhe aranzhimeve të RSF-së.

Në varësi të miratimit nga Bordi Ekzekutiv i FMN-së, FMN-ja thotë se përfundimi i rishikimeve të para – që pritet në nëntor – do të vërë në dispozicion një shtesë prej 24.6 milionë euro nën SBA dhe rreth 38 milionë euro sipas marrëveshjes RSF.

“Autoritetet kanë treguar se nuk synojnë të përdorin burimet e vëna në dispozicion sipas marrëveshjes SBA në këtë moment”, ka thënë Di Bella, raporton Klankosova.tv.

Ai ka theksuar se aktiviteti në vitin 2023 parashikohet të zgjerohet me 3,5–4 për qind, i nxitur nga investimet më të forta dhe kërkesa e jashtme, veçanërisht për shërbime.

Me ngadalësimin e çmimeve të ushqimeve dhe energjisë, FMN thotë se inflacioni mesatar pritet të bjerë këtë vit në 4–5 për qind, ndërsa deficiti i llogarisë rrjedhëse pritet të ngushtohet.

“Stafi pret që momenti i rritjes të vazhdojë në vitin 2024 dhe që inflacioni të vazhdojë të zbutet”, thotë Di Bella i FMN-së.

Megjithatë, thuhet se paqëndrueshmëria globale dhe tensionet gjeopolitike e mbajnë pasigurinë të ngritur dhe paraqesin rreziqe për rritjen dhe inflacionin.

Gabriel Di Bella ka thënë se masat e vëna ndaj Kosovës si pasojë e tensioneve në veri, nuk do të ndikojë në perspektivën afatmesme, por se të tillat mund të kenë efekt në performancën nëse qëndrojnë për një kohë të gjatë

“Tensionet e vazhdueshme në veri të Kosovës kanë shtyrë disa partnerë ndërkombëtarë të zbatojnë masa të përkohshme dhe të kthyeshme që synojnë të promovojnë de-përshkallëzimin. Këto masa nuk kanë gjasa të ndikojnë në perspektivën afatshkurtër, por ato mund të ndikojnë në performancën nëse qëndrojnë për një kohë të gjatë”, ka thënë zyrtari i FMN-së pas përfundimit të misionit në Kosovë.

Ndër të tjera, ai ka thënë se autoritetet në Kosovë kanë vazhduar të zbatojnë politika të kujdesshme fiskale dhe financiare dhe kanë bërë përparim të mirë në zbatimin e agjendës së tyre të politikave sipas marrëveshjeve të mbështetura nga Fondi.

“Bilanci fiskal dhe depozitat e qeverisë në Bankën Qendrore (BQK) kanë mbetur deri më tani në vitin 2023 në mënyrë komode mbi nivelet e programit dhe përthithja e investimeve publike është rritur ndjeshëm në krahasim me vitin 2022; Stafi pret që objektivat e fundit të vitit 2023 të përmbushen. Cilësia dhe likuiditeti i aseteve të BQK-së është ruajtur në përputhje me objektivat e programit”, ka thënë Di Bella.

Më tej, FMN-ja thotë se autoritetet e Kosovës synojnë t’i dërgojnë Asamblesë Kombëtare një buxhet për vitin 2024 në përputhje me objektivat e SBA dhe RSF, duke përfshirë një reduktim të konsiderueshëm në alokimet e buxhetit të kushtëzuar – nën kufirin e programit.

FMN-ja thotë se të gjitha standardet strukturore të SBA-së për rishikimin janë zbatuar dhe është vërejtur përparim i mirë në plotësimin e standardeve që duhet të priten në muajt e ardhshëm.

“Në këtë drejtim, emërimi i guvernatorit të ri të BQK-së dhe normalizimi i strukturave qeverisëse të BQK-së kanë dhënë një shtysë të re për zbatimin e reformës. Stafi pret që rregulloret e reja të procedurës që qartësojnë përgjegjësitë e bordit mbikëqyrës të BQK-së në lidhje me bordin ekzekutiv do të jenë së shpejti në fuqi dhe se një ligj i ri për bankat do t’i dorëzohet Kuvendit Kombëtar në fillim të vitit 2024”.

Fondi Monetar Ndërkombëtar ka lavdëruar punën e autoriteteve “edhe për të çuar përpara agjendën e tyre të politikës klimatike, të mbështetur nga RSF dhe kanë zbatuar të gjitha masat e reformës që kërkohen për këtë rishikim”.

FMN-ja ka vlerësuar edhe nisjen e ankandit të parë pilot të prodhimit të energjisë diellore 100 MW dhe paraqitjen në Asamblenë Kombëtare të një ligji për burimet e rinovueshme të energjisë, gjë e cila thotë se hap rrugën për rritjen e prodhimit të energjisë së pastër nëpërmjet një ankandi konkurrues.

Gjithashtu, vlerësim pozitiv ka marrë vendi edhe me fillimin e zbatimit të programeve për rritjen e efikasitetit të energjisë në ndërtesat e banimit ku thuhet se kanë ndërmarrë hapa edhe për të forcuar bashkëpunimin rajonal, konkurrencën në treg dhe funksionimin duke zbatuar veprime të favorshme për fillimin e tregut të energjisë elektrike për Kosovën në kontekstin e Tregut Rajonal të Energjisë Elektrike Kosovë-Shqipëri (ALPEX).

Ndërkaq, FMN thotë se “më në fund, Korporata Energjetike e Kosovës (KEK) ka finalizuar punën teknike të nevojshme për vendosjen e filtrave në termocentralin Kosova B. Për më tepër, plani buxhetor i KEK-ut për vitin 2024 përfshin një ndarje kontingjente prej 12.5 milionë euro për të plotësuar financimin e BE-së për instalimin e filtrave të parë të tillë në njësinë B-2, i cili pas përfundimit do të reduktonte ndjeshëm ndotjen në Prishtinë dhe zonat përreth”, theksoi Di Bella i FMN-së.

The post FMN-ja pas misionit në Kosovë: Punë të mira po bëhen, KEK-u po bëhet me filtra kundër ndotjes appeared first on Gazeta Stop.

Huadhënësi global ka njoftuar këtë të martë se ka rritur projeksionin nga prilli për 0.3 për qind.

Bruto Produkti Vendor (GDP) pritet që të rritet për 4 përqind në 2024, 0.1 për qind sesa parashikimi i bërë në prill, ka thënë FMN në edicionin e tetorit të raportit të Perspektivës Ekonomike Globale, shkruan Seenews.

Inflacioni pritet që të ngadalësohet për 4.7 për qind në 2023 nga 11.7 për qind nga viti paraprak, para se të bie në 3.1 për qind më 2024.

The post FMN rrit në 3.8% parashikimin e rritjes ekonomike për Kosovën appeared first on Gazeta Stop.

Përfaqësuesi nga Ministritë e Financave dhe Bankat Qendrore të shteteve anëtare si Austria, Belgjika, Turqia, Bjellorusia, Cekia, Luksemburgu, Hungaria, Sllovakia, si dhe Sllovenia, janë pritur nga Ministri i Financave, Punës dhe Transfereve dhe Banka Qendrore e Kosovës.

Ardhja e tyre u bë pas ftesës që ish guvernatori, Fehmi Mehmeti u ka bërë në kohën sa ishte në detyrë.

Por, ani pse Mehmeti ishte iniciues, ai nuk u ftua as nga ministri e as nga menaxhmeti aktual i BQK-së, për të qenë edhe ai në takim.

Kështu thotë në një prononcim për Front Online, Fehmi Mehmeti ish guvernator i Bankës Qendore të Kosovës.

“Kjo është një gjë e mirë që ka ndodh, përkundër që kam kërkuar, që kam qenë iniciues mbajtjes së këtij takimi në Kosovë, nuk kam marr ftesë nga menaxhmenti aktual i BQK-së, përkundër raporteve e komunikimeve që i kemi shumë të mira me partnerët tonë ndërkombëtarë, si në këtë rast shefen e konstituencës, shefen e misionit dhe përfaqësuesit më të lartë të Fondit Monetar Ndërkombëtarë dhe të Bankës Botërore”, u shpreh ai për Front Online.

Megjithatë, Mehmeti e konsideron lajm të mirë mbajtjen e takimit të konstituencës së Bankës Botërore dhe FMN-së në Prishtinë.

“Ky është një lajm i mirë, një konferencë që sot është mbajtur në Prishtinë. Kam qenë iniciativë të cilën e kam iniciuar gjatë takimeve vjeshtore që kemi pasë në fundvitin e kaluar. Një iniciativë e cila është prezentuar gjatë takimit të fundit që kemi pasur në konstituencën e Fondit Momentar Ndërkombëtarë, një iniciativë e cila është mirëpritur nga gjithë partnerët ose anëtarët e kësaj konstituence. Faktikisht kjo është rezultat i një stabiliteti financiar ku në përgjithësi, sa herë që tani ju i keni parë edhe raportet e Fondit Monetar Ndërkombëtarë, pastaj të Departamentit Amerikan të Shtetit ku folët për stabilitetin financiar, Kosova merret shembull, e një sektori financiar stabil”, thotë Mehmeti për Front Online.

Sipas Mehmetit, mbajtja e këtij takimi kaq të rëndësishëm në Prishtinë, nuk ndodhi paarsye.

Ai thotë se për shkak të raporteve të suksesshme në këtë sektor, ka ndodh edhe ardhja e tyre.

“Një sektor ku kemi arrit që të përballojmë pandeminë, me pasoja minimale, ose mos të themi fare, pasoja negative për ekonominë e vendit dhe për sektorin financiar dhe që realisht edhe gjatë periudhës së pandemisë kemi arrit që sektori financiar i vendit ta ketë një funksion të zhvillimit ekonomik të vendit. Për të gjitha këto nuk është që e themi ne, flasin edhe raportet e institucioneve kredibile ndërkombëtare në vend. Por në anën tjetër, kjo është një rezultat i punës së mirë që kemi bërë, gjatë periudhës derisa ishim në takimet vjeshtore, e kam dhënë këtë iniciativë dhe jam shumë falënderues nga shefi i konstituencës, i cili në fillim e ka mbështetë kërkesën tonë që për herë të parë të kemi faktikisht të bëjmë me një konferencë të tillë në Prishtinë, e që më pastaj është përkrah nga anëtarët e tjerë”, deklaroi ish guvernatori.

Këto takime shërbejnë si platformë për të ndarë përvojat më të mira, si dhe për të diskutuar rreth zhvillimeve të përgjithshme ekonomike globale, sfidave rajonale, si dhe çështjeve të brendshme të konstituencave përkatëse. /Front Online

The post Edhe pse ish-guvernatori Mehmeti ishte iniciues i takimit FMN-Bankës Botërore, organizatorët nuk e ftuan atë appeared first on Gazeta Stop.

FMN njofton se Kosova është vendi i parë në Evropë që merr financim.

Pas një rikuperimi të fortë nga pandemia COVID-19, rritja u moderua në vitin 2022 dhe inflacioni u përshpejtua në nivele dyshifrore kryesisht për shkak të rritjes së çmimeve ndërkombëtare të mallrave të shkaktuara nga lufta e Rusisë në Ukrainë.
Goditja negative e kushteve të tregtisë ndikoi negativisht në të ardhurat e disponueshme të familjeve dhe përfitimin e biznesit.

Thithja e ulët e investimeve publike dhe kushtet më të shtrënguara financiare kontribuan gjithashtu në rritjen më të dobët.

Autoritetet e zbutën siç duhet krizën, ndërkohë që rindërtonin rezervat fiskale dhe ato ndërkombëtare.

Sektori financiar ka përballuar mirë goditjet e njëpasnjëshme dhe kreditë me probleme mbeten të ulëta.

Trajtimi i çështjeve strukturore afatgjata, si mbyllja e boshllëqeve të infrastrukturës dhe qeverisjes, zvogëlimi i varësisë së Kosovës nga qymyri dhe promovimi i efikasitetit të energjisë, mbeten vendimtare për ta bërë rritjen afatmesme më të lartë dhe më të gjelbër, dhe për të reduktuar mbështetjen e Kosovës në rrjedhat e diasporës, raporton RTKlive.

Programi i mbështetur nga FMN në kuadër të SBA-së paraprake do të zbusë materializimin e rreziqeve negative dhe do të mbështesë reformat strukturore për të forcuar qeverisjen fiskale dhe financiare dhe për të rritur rritjen.

Marrëveshja do të zgjerojë hapësirën fiskale të Kosovës për zbutjen e ndryshimeve klimatike dhe përpjekjet për përshtatje, do të shfrytëzojë sinergjitë me mbështetje tjetër zyrtare dhe do të ndihmojë në katalizimin e investimeve private në energjinë e gjelbër.

Pas diskutimit të Bordit Ekzekutiv, Gita Gopinath, Zëvendës Drejtoresha e Parë Menaxhuese dhe Ushtruese e Detyrës së Kryesuesit të Bordit, mirëpriti marrëveshjen.

“Jam i kënaqur që Bordi Ekzekutiv i FMN-së ka miratuar dy aranzhime të reja të Fondit për Kosovën, duke përfshirë një Marrëveshje Stand-by dhe një marrëveshje në kuadër të Lehtësimit të Qëndrueshmërisë dhe Qëndrueshmërisë – e para në Evropë”, tha ajo.

Pas tejkalimit të suksesshëm të sfidave të paraqitura nga pandemia COVID-19, rritja e Kosovës në vitin 2022 u zbut nga pasojat e luftës së Rusisë në Ukrainë.

Çmimet më të larta dhe më të paqëndrueshme të mallrave nxitën inflacionin dhe tronditja negative e kushteve të tregtisë ndikoi negativisht në të ardhurat e disponueshme.

Politikat e kujdesshme fiskale të autoriteteve dhe kuadri mbështetës i synuar gjerësisht ndihmuan në rindërtimin e hapësirës fiskale duke zbutur ndikimin e krizës së kostos së jetesës.

Tani nevojitet një përzierje e fortë politikash për të mbështetur rimëkëmbjen dhe për të arritur objektivat e reformës.

Respektimi i tavanit të deficitit të rregullave fiskale do të ofrojë një impuls të moderuar të aktivitetit në vitin 2023, duke ndihmuar ekonominë të zbutet, ndërkohë që do të kontribuojë në ankorimin e borxhit publik në afat të mesëm.

Përveç kësaj, shpenzimet buxhetore duhet të vendosin një ekuilibër më të mirë midis transfertave sociale dhe promovimit të transformimit ekonomik, madhësia e alokimeve totale duhet të reduktohet dhe thithja e investimeve publike duhet të rritet, duke forcuar menaxhimin e investimeve publike.

Rritja e qeverisjes së sektorit financiar do të kërkojë forcimin e qeverisjes së bankës qendrore dhe forcimin e kapacitetit të bankës qendrore për mbikëqyrjen e sektorit financiar.

Rritja e perspektivave afatmesme të rritjes dhe zvogëlimi i varësisë së vendit nga flukset e diasporës do të kërkojë avancimin e agjendës së reformave strukturore dhe mbylljen e boshllëqeve të infrastrukturës dhe qeverisjes. Për më tepër, bërja e rritjes më e gjelbër kërkon reduktimin e varësisë së Kosovës nga qymyri dhe rritjen e efikasitetit të energjisë.

Në këtë sfond, programi i mbështetur nga FMN nën SBA – të cilin autoritetet synojnë ta trajtojnë si parandalues duke pasur parasysh mungesën e një nevoje të bilancit të pagesave në bazë – do të zbusë materializimin e rreziqeve negative, ndërsa veprimet e politikave do të përmirësojnë fiskale dhe financiare qeverisjen dhe rritjen e rritjes.

“Nga ana tjetër, RSF Lehtësia e Rezistencës dhe Qëndrueshmërisë (RSF-program i FMN-së) do të mbështesë veprimet për zbutjen dhe përshtatjen ndaj ndryshimeve klimatike, do të shfrytëzojë sinergjitë me mbështetje të tjera zyrtare dhe do të ndihmojë në katalizimin e investimeve private në energjinë e gjelbër. RSF përputhet ngushtë me Strategjinë e re të Energjisë së Kosovës për 2023–32, e cila u miratua nga Parlamenti në fillim të vitit 2023”, thuhet në komunikatën e FMN-së.

The post Bordi i FMN-së miraton marrëveshjen prej 100 milionë euro me Kosovën appeared first on Gazeta Stop.

Kreu i FMN-së për Evropën, Alfred Kammer, tha se niveli i lartë i inflacionit është shqetësimi më i madh.

Ai këto komente i bëri më 28 prill para një takimi me ministrat e Financave të BE-së dhe guvernatorët e Bankës Qendrore Evropiane.

“Rekomandimi ynë kryesor, sa i përket politikave, është ta mposhtim inflacionin dhe kjo nënkupton se duhet të përdorim instrumentin e politikës monetare. Për Bankën Qendrore Evropiane kjo nënkupton shtrëngim të mëtejmë, për një periudhë më të gjatë, ne vlerësojmë deri në mesin e vitit 2024, në mënyrë që të ulet inflacioni deri në synimin e caktuar diku në vitin 2025”, tha Kammer.

“Inflacioni është taksë, veçmas për të varfëritë, dhe ne duhet ta luftojmë”, shtoi ai.

Inflacioni në 20 shtetet që përdorin euron ishte 6.9 për qind në mars – krahasuar me periudhën e njëjtë të vitit paraprak – por, inflacioni bazë, që përjashton luhatjet e mëdha në çmimet e energjisë dhe ushqimit, ishte 7.5 për qind.

Për të ulur inflacionin, Banka Qendrore Evropiane ka rritur në mënyrë agresive normat e interesit, duke i çuar ato nga zero sa ishin në mesin e vitit 2022, në 3.5 për qind në mars të këtij viti, por tregjet presin që kjo politikë të vazhdojë përtej vitit 2023.

Kammer tha se ministrat e Financave të BE-së duhet të ndihmojnë Bankën Qendrore Evropiane duke reduktuar stimujt fiskalë për ekonominë që ata përdorën gjatë pandemisë COVID-19 dhe vazhduan me aplikimin e tyre gjatë krizës së kostos së jetesës të shkaktuar nga pushtimi rus i Ukrainës.

“Inflacioni nuk mund të luftohet vetëm nga Banka Qendrore, na duhen politika fiskale që e mbështesin atë”, tha Kammer dhe shtoi se një ulje e deficitit buxhetor në shtetet e BE-së nuk u jetësua për shkak se pakot e ndihmës, që qeveritë dhanë për qytetarët për t’u përballur me çmimet e larta të energjisë, ishin në fuqi për një periudhë më të gjatë.

“Prandaj, ne tani rekomandojmë, pasi çmimet e energjisë po bien … që pakot e kostos së jetesës të mos aplikohen apo që ato të jenë më të shënjestruara”, tha ai.

Çështja e balancës midis politikave monetare dhe fiskale, si dhe inflacioni janë në agjendën e bisedimeve të ministrave të Financave të BE-së dhe guvernatorëve të Bankës Qendrore, të cilët do të takohen në Stokholm të premten dhe të shtunën.

The post FMN i bën thirrje BQE-së të vazhdojë me rritjen e normave të interesit appeared first on Gazeta Stop.

Gjatë kësaj vizite zyrtare Delegacioni i BQK-së përveç pjesëmarrjes në tryeza të parapara sipas Agjendës së vizitës, ka zhvilluar shumë takime me zyrtarë të lartë të Fondit Monetar Ndërkombetar, të Bankës Botërore, si dhe me homolog të bankave qendrore të vendeve të ndryshme. Delegacioni është takuar me drejtorin për Evropë të Fondit Monetar Ndërkombëtar, Alfred Kammer.

Në këtë takim është diskutuar për bashkëpunimin e deritashëm mes BQK-së dhe FMN-së, si dhe projektet që janë në zhvillim e sipër.

U.D Guvernatori i BQK-së, Bashkim Nurboja, ka falënderuar FMN-në për mbështetjen e vazhdueshme dhe ndër vite që i ka dhënë Kosovës dhe BQK-së në avancimin e saj në të gjitha fushat që i mbulon.

Gjatë pjesëmarrjes në takimet pranverore të FMN-së dhe BB-së, delegacioni i lartë i BQK-së ka marrë pjesë në grupin e punës për marrëveshjen e re të konstituencës.

Gjithnjë sipas Agjendës së pjesëmarrjes në kuadër të takimeve pranverore, delegacioni i BQK-së së ka takuar edhe zëvendësdrejtorin menaxhues të FMN-së, Bo Li.

Në kuadër të këtyre takimeve, është diskutuar për zbatimin e rekomandimeve nga raportet e mëparshme të asistencave teknike, si dhe shprehjet e interesit për përkrahje në të ardhmen.

Takimet vjetore të organizuara nga Fondi Monetar Ndërkombëtar dhe Banka Botërore, mbledhin bankierë qendrorë, ministra të financave dhe të zhvillimit ekonomik, parlamentarë, drejtues të sektorit privat, përfaqësues nga organizata të shoqërisë civile dhe akademikë për të diskutuar çështje me rëndësi globale, përfshirë perspektivën ekonomike botërore, zhdukjen e varfërisë, zhvillimin ekonomik dhe efektivitetin e ndihmës.

The post Delegacioni i lartë i BQK përfundon pjesëmarrjen në takimet pranverore të FMN-së dhe Bankës Botërore appeared first on Gazeta Stop.

Sipas tij, ky raport pasqyron saktë rritjen e të hyrave tatimore, si rritjen më të madhe të Kosovës në Ballkanin Perëndimor.

“Ndërsa sipas këtij raporti konfirmohet se 1/3 e rritjes i atribuohet rritjes së formalizimit të ekonomisë si rezultat i inspektimeve dhe kontrolleve të ATK-së. Një pjesë e të hyrave sipas këtij raporti është rritur edhe si rezultat i rritjes ekonomike dhe rritjes së formalizimit të punëtorëve (TAP)”, ka shkruar Gërxhaliu në “Facebook”.

Ai ka theksuar se totali i të hyrave në vitin 2022 ka qenë 2.25 miliardë euro. “Të hyrat e ATK-së në vitin 2022 = 723.9 milionë euro. Të hyrat e Doganës në vitin 2022= 1.52 miliardë euro. Rritja e të hyrave në ATK vitin 2022 në raport me vitin paraprak ishte 21.4 për qind, ndërsa e Doganës 11.4 për qind”, është shrehur Gërxhaliu.

The post Gërxhaliu: Raporti i FMN-së vlerëson lart performancën e ATK – së appeared first on Gazeta Stop.

Në këtë takim është biseduar për zhvillimet e fundit në sektorin financiar dhe angazhimet e BQK-së në avancimin e mëtutjeshëm të këtij sektori.

Guvernatori Mehmeti njoftoi të pranishmit se sektori financiar po vazhdon trendin pozitiv edhe këtë vit, duke qenë likuid dhe me performancë pozitive, duke rritur aktivitetin kredidhënës për ekonominë dhe qytetarët.

Ai falënderoi FMN-në për mbështetjen e vazhdueshme dhënë Kosovës dhe BQK-së në veçanti përgjatë gjithë këtyre viteve.

Nga ana tjetër, udhëheqësi i Misionit të FMN-së për vendin tonë, Gabriel Di Bella falënderoi Guvernatorin Mehmeti për bashkëpunimin, ndërsa shprehu gatishmërinë për vazhdimin e mbështetjes dhe realizimit të projekteve të ndryshme së bashku me BQK-në, përmes të cilave do të përfitonin qytetarët dhe ekonomia në përgjithësi.

The post Guvernatori Mehmeti priti në takim misionin e FMN-së appeared first on Gazeta Stop.