Trangujt e freskët janë përbërësi kryesor i shumë sallatave të shijshme dhe ushqyese. Por çfarë ndodh kur trangulli që përdoret për sallatë është i hidhur?
Zakonisht trangujt e sapokëputur dhe të stinës janë të shijshëm, plot lëng, por herë pas here ka edhe nga ata të hidhurit që shkaktojnë shqetësim dhe merak.
Kjo ndodh sepse kushtet e mjedisit ku rriten trangujt kanë një ndikim të madh në shijen e tyre.
Trangujt i përkasin familjes botanike Cucurbit, të njëjtës familje si shalqiri ose kungulli. Të trija përmbajnë disa substanca natyrale që njihen si cucurbitacin, që zakonisht qëndrojnë te kërcejtë dhe te gjethet.
Megjithatë, shpesh ndodh që këto kimikate lëvizin nga gjethet brenda duke i bërë ato të hidhura.
Ngritja e temperaturave e bën trangullin të hidhur. Nëse temperaturat janë të nxehta përpara pjekjes së trangujve, atëherë ata do të kenë një shije të hidhur.
Hidhtësia nuk shkaktohet domosdoshmërisht nga nxehtësia. Mjafton edhe luhatja e vazhdueshme e temperaturave që shija e trangullit të kompromentohet.
Ashtu si në rastin e luhatjes së temperaturave, periudha të gjata thatësie të ndjekura nga ujitja e tepërt mund të shkaktojnë stres te bima e trangullit duke e bërë produktin final tepër të hidhur.
Disa bimë të trangullit përmbajnë gjene të caktuara që shkaktojnë hidhtësinë e tyre. Edhe nëse farat që përdoren janë të të njëjtit varietet të trangullit, një prej tyre do të dalë i hidhur, ndërsa të tjerët do të jenë të shijshëm.
Një metodë është që të priten të dy majat e trangullit dhe ato të fërkohen me copën e prerë. Një lëvizje e tillë ndikon në përmbajtjen kimike dhe trangullit do t’i humbë shija e hidhur. /agroweb