Ministria e Shëndetësisë dhe Mbrojtjes Sociale në Shqipëri bën të ditur se 14 persona kanë ndërruar jetë si pasojë e COVID-19. Gjatë 24 orëve të fundit atje janë shënuar edhe 836 raste të reja me koronavirus si dhe janë shëruar 490 pacientë.
Në mesin e viktimave nga COVID-19 për 24 orëshin e fundit është edhe një foshnjë 16 muajsh, ndërsa personat tjerë janë: një 45 vjeçar, një 80 vjeçar, një 82 vjeçar nga Tirana, një 49 vjeçar nga Lezha, një 58 vjeçare nga Saranda, një 61 vjeçare dhe një 70 vjeçar nga Shkodra, një 61 vjeçar nga Kukësi, një 65 vjeçar nga Mati, një 65 vjeçar nga Dibra, një 66 vjeçar dhe një 72 vjeçare nga Pogradeci, 71 vjeçar nga Fieri, 86 vjeçar nga Lushnja, transmeton Klan Kosova.
Rastet pozitive të konfirmuara në 24 orët e fundit janë identifikuar në këto bashki:
560 raste në Tiranë, 31 raste në Fier dhe Elbasan, 30 raste në Vlorë,
28 raste në Durrës, 24 raste në Kurbin, 21 raste në Shkodër, 16 raste në Kurjë,
15 raste në Pogradec, 14 raste në Mirditë, 10 raste në Kuçovë,
9 raste në Gramsh, 8 raste në Malsi e Madhe, 7 raste në Pukë,
5 raste në Lushnje dhe Kolonjën, 4 raste në Korçë, Sarandë,
3 Devoll dhe Gjirkastër, 2 raste në Mallakastër, Mat dhe Dibër,
1 rast në Tepelenë, 1 rast në Peqin.
Në Shqipëri deri tani kanë qenë 31,459 raste pozitivë me koronavirus, 15,055 persona janë shëruar, 15,732 raste janë aktive dhe 672 persona kanë humbur jetën.