Policia e Kosovës ka shqiptuar 2,062 gjoba trafiku gjatë 24 orëve të fundit, duke dëshmuar vazhdimësinë e shkeljeve të rregullave të komunikacionit në vend.
Sipas të dhënave zyrtare, gjatë kësaj periudhe janë regjistruar 46 aksidente trafiku, prej të cilave 19 aksidente kanë përfunduar me persona të lënduar, ndërsa 27 aksidente kanë shkaktuar vetëm dëme materiale.
Në kuadër të aktiviteteve policore, autoritetet kanë bërë të ditur se 13 persona janë arrestuar, ndërsa 12 prej tyre janë dërguar në mbajtje.
Policia e Kosovës u bën thirrje qytetarëve që të respektojnë rregullat e trafikut, të shmangin shpejtësinë e tepërt dhe përdorimin e telefonit gjatë vozitjes, në mënyrë që të parandalohet rritja e aksidenteve dhe të garantohet siguria në rrugë.
