Nga 228 mostra të testuara, të enjten janë konfirmuar edhe 28 raste pozitive me koronavirus në Kosovë, duke e çuar në 1 mijë e 326 numrin e përgjithshëm të të prekurve.
Nga kjo shifër e përgjithshme, 921 persona janë shëruar, kurse 31 të tjerë kanë ndërruar jetë.
Numri i personave të testuar për COVID-19 në Kosovë që nga fillimi i pandemisë është 17 mijë e 707.
Sipas të dhënave të fundit në Kosovë tani janë edhe 374 raste aktive me COVID-19.
Nga të gjitha komunat me raste pozitive të konfirmuara me koronavirus, e para për nga numri i të infektuarve prin Vushtrria, pastaj Prizreni, i cili pason me Prishtinën dhe në vendin e katërt Ferizaj.