Bordi i Bankës Qendrore të Kosovës vlerëson se sektori financiar në vend vazhdon të ketë performancë të qëndrueshme, të jetë mirë i kapitalizuar, likuid, stabil dhe funksional në ofrimin e shërbimeve për qytetarët e vendit.
Sipas BQK-së, bordi është informuar mbi funksionalitetin e plotë të BQK-së gjatë kësaj periudhe, në kuptim të përmbushjes së objektivave dhe detyrave të përcaktuara me legjislacionin në fuqi, si dhe në përmbushjen e detyrave për menaxhimin e situatës nga efektet e pandemisë COVID-19.
Gjithashtu, në këtë takim bordi i BQK-së ka miratuar disa rregullore që mundësojnë funksionim më efikas të sistemit financiar në vend.