Selektori i Kosovës, Bernard Challandes ka pranuar vështirësitë nga ndeshja ndaj Suedisë.
Selektori i Kosovës, Bernard Challandes ka shpjeguar arsyet që sipas tij sollën humbjen 0-3 nga Suedia në duelin e parë të ciklit eliminator të Kampionatit botëror 2022.
“Pjesa e parë nuk ishte keq, kishim disa mundësi të mira. Kemi pësuar dy gola të marrë, megjithatë kemi provuar të reagojmë. Kishim disa diferenca përball një skuadre të fortë”, u shpreh Challandes pas ndeshjes.
“Ne i paguam gabimet tona. Ata ishin shumë më shtatgjatë ndaj nesh. Sidomos Ibrahimoviç ndaj të cilit nuk mund të fitoni topa. Është shumë i mirë në pranimin e topave të parë”, theksoi ai.