Serhou Guirassy ka shënuar dy gola të hershëm, ndërsa Borussia Dortmundi është bërë çerekfinalisti i fundit i Kupës së Botës për Klube në futboll.
Në Atlanta, në praninë e 31 mijë shikuesve, skuadra gjermane fitoi 2:1 ndaj Monterreyt të Meksikës.
Guirassy shënoi në minutën e 14-të dhe të 24-t për epërsinë 2:0 të skuadrës së verdhë. German Berterame shënoi në minutën e 48-të për Monterreyn, por meksikanët nuk ia dolën të barazojnë rezultatin.
Tashmë janë përcaktuar të gjitha ndeshjet çerekfinale.
Dortmundi luan ndaj Real Madridit më 5 korrik.
Çerekfinalet tjera janë: Fluminense – Al Hilal, Palmeiras – Chelsea, PSG – Bayern.