Kryeministri Avdullah Hoti sot e ka pritur për takim në zyrën e tij koordinatorin shtetëror për dialogun me Serbinë, Skender Hysenin/
Siç njofton Zyra e Kryeministrit, Hoti është njoftuar nga Hyseni për takimet e delegacionit të Kosovës me atë të Serbisë në Bruksel.
Po ashtu, sipas ZKM-së, Hyseni e njoftoi kryeministrin Hoti edhe për takimet e tij të tjera të rëndësishme, ndër të cilat edhe me Asistent Sekretarin kryesor për Evropë dhe Euroazi në Departamentin Amerikan të Shtetit, Philip Reeker.
Para rreth një jave, Hoti e emëroi anëtarin e Kryesisë së LDK-së koordinator shtetëror në procesin e dialogut, ndërsa më pas tha se Hyseni do ta përfaqësojë qëndrimin e tij në negociatat me Serbinë.