Sot kur është duke u zhvilluar procesi zgjedhor për zgjedhjet e përgjithshme në Shqipëri, ka ndodhur një incident i pazakontë në sheshin e Tiranës.
Dyshohet se një person ka hyrë me veturë brenda sheshit “Skënderbej” (zonë kjo ku është e ndaluar futja me automjete) dhe ka filluar të bëjë manovra të rrezikshme.
Duke parë rastin, një qytetar i është futur në makinë të dyshuarit dhe e ka detyruar atë ta ndalojë veturën.
I dyshuari është arrestuar dhe tashmë ndodhet në stacion policor në Tiranë.
Nuk raportohet për ndonjë person të lënduar nga ky rast.