Sipas Il Corriere dello Sport, Inter nuk i pagoi Manchester Unitedit një bonus të përfshirë në marrëveshje për Romelu Lukaku dhe “Djajtë e Kuq” duan Lautaro Martinezin ose Milan Skriniarin si dëmshpërblim.
Lukaku u bashkua me Interin për 74 milionë euro nga Manchester United në verën e vitit 2019.
Gazeta nga Roma raporton se Nerazzurrët nuk arriti të paguajë një bonus prej 5 milionë euro të përfshirë në marrëveshjen që kishin për transferimin e sulmuesit belg.
Sipas raportit, marrëveshjes Interi ende i ka borxh Manchester Unitedit 50 milion euro për transferimin e Lukakut.
Për këtë arsye, Manchester United thuhet se ka kërkuar Lautaro Martinezin ose Milan Skriniarin si kompensim për këtë shumë.
Pronarët e Inter Suning kohët e fundit kanë konfirmuar angazhimin për mbështetjen e vazhdueshme financiare të klubit por shtuan se po kërkojnë “partnerë të përshtatshëm” për të mbështetur gjigantët e Serie A financiarisht.
Interi gjithashtu ka pasur probleme edhe me pagesën e Achraf Hakimit në Real Madrid dhe ranë dakord të shtyjnë këstin e parë prej 10 milionë eurove deri për 30 mars. /Telegrafi/