Në disa media mëngjesin e sotëm u raportua se Lidhja Demokratike e Kosovës (LDK), do ta dërgoj te presidenti Hashim Thaçi, emrin e Skender Hysenit si mandatar për formimin e Qeverisë. Por këtë lajm e mohoi shefi i Grupit Parlamentar të LDK-së, Arben Gashi.
Ai tha për Telegrafin se këto lajme nuk janë të vërteta. “Nuk janë të vërteta këto, nuk kemi pasur diskutim”, tha shkurtimisht ai.
Ndryshe, LDK para disa ditësh ka thënë se ekziston vullneti që nëse u jepet mandati ta formojnë Qeverinë në një koalicion të mundshëm me Aleancën për Ardhmërinë e Kosovës, Nismën Socialdemokrate, Aleancën Kosova e Re dhe minoritetet joshumicë në Kuvend.