Lideri konservator Friedrich Merz, ka fituar përfundimisht një votim të dytë për t’u bërë kancelar i Gjermanisë.
Ky qe një rikthim pas një disfate në Parlament disa orë më parë që kishte rrezikuar ta pengonte qeverinë e re para se të betohej, transmeton klankosova.tv.
Merz fillimisht ishte mungesë me gjashtë vota për të arritur shumicën absolute që i nevojitej të martën në mëngjes – një goditje e rëndë për prestigjin e tij dhe një dështim i paprecedentë në historinë e Gjermanisë pas Luftës së Dytë Botërore.
Meqë votimi ishte i fshehtë në Bundestagun me 630 vende, nuk kishte asnjë tregues se kush kishte refuzuar ta mbështeste – nëse ishin deputetë nga partneri i tij i koalicionit qendër të majtë apo nga vetë konservatorët e tij.
Pas orësh pasigurie në Bundestag, partitë dhe presidenti i Bundestagut ranë dakord të mbahej një votim i dytë, të cilin Merz më pas e fitoi me 325 vota, një shumicë prej nëntë votash.