Ka përfunduar pjesa e parë në mes të Paris Saint-Germainit dhe Bayern Munichut në kuadër të finales së Ligës së Kampionëve.
Skuadra franceze e filloi mjaftë mirë takimin, duke e rrezikuar portën e Bavarezëve disa herë.
Kylian Mbappe e kishte një shans të mirë në minutën e 14-të, mirëpo që goditja e tij përfundoi jashtë portë.
PSG VS Bayern Munich (Foto: Manu Fernandez/Pool via Getty Images/Guliver)
Rast të artë për të kaluar PSG-në në epërsinë e kishte edhe Neymari (17’), mirëpo goditjen e tij e ndali Manuel Neuer.
Në minutën e 22-të, Robert Lewndowski ishte i pafat, pasi portieri Keylor Navas ishte i mposhtur, mirëpo shtylla vertikale i mohoi golin.
PSG VS Bayern Munich (Foto: Manu Fernandez/Pool via Getty Images/Guliver)
Dy minuta më vonë, Hansi Flickut iu konfirmuar lajmi i hidhur nga Jerome Boateng, që nuk arriti të vazhdonte ndeshjen, ndërsa në vendin e tij u fut Niklas Sule.
Në minutën e 29-të, Ander Herrera lëshoi një predhë në drejtim të portës së Neuerit, mirëpo Leon Goretzka e devijoi topin në korner, mirë Daniele Orsato nuk e dha rivënien nga këndi.
Dy skuadrat më pas ishin të kujdesshme në lojën e tyre, gjersa në të dytën me gjasë nuk do të mungojë një spektakël edhe më i madh. /Telegrafi/