Agjencitë e inteligjencës amerikane thonë se mund të mos jenë kurrë në gjendje të identifikojnë origjinën e COVID-19.
Në një vlerësim të përditësuar se ku filloi virusi, Inteligjenca Kombëtare e SHBA-së tha se një transmetim nga kafsha te njeriu dhe një rrjedhje laboratorike ishin të dyja hipoteza të besueshme për mënyrën se si u përhap.
Por nuk kishte informacion të mjaftueshëm për të arritur në një përfundim përfundimtar.
Kina e ka kritikuar raportin, shkruan BBC, transmeton Klankosova.tv.
Gjetjet u publikuan në një raport të deklasifikuar, i cili është një përditësim i një rishikimi 90-ditor që administrata e Presidentit Joe Biden publikoi në gusht.
Raporti tha se komuniteti i inteligjencës mbetet i ndarë për origjinën më të mundshme të virusit. Katër agjenci vlerësuan me “besim të ulët” se kishte origjinën nga një kafshë e infektuar ose një virus i lidhur.
Por një agjenci tha se kishte “besim të moderuar” se infeksioni i parë njerëzor ka shumë të ngjarë të ishte rezultat i një aksidenti laboratorik, ndoshta duke përfshirë eksperimentimin ose trajtimin e kafshëve nga Instituti i Virologjisë Wuhan.
Raporti tha gjithashtu se zyrtarët kinezë nuk ishin në dijeni të ekzistencës së virusit para shpërthimit fillestar të COVID-19 në qytetin e Wuhan, në fund të vitit 2019. Por ai tha se Kina vazhdoi të pengonte hetimin global dhe të rezistonte ndaj ndarjes së informacionit.
Autoritetet kineze i lidhën rastet e hershme të koronavirusit me një treg ushqimesh deti në Ëuhan, duke i shtyrë shkencëtarët të teorizojnë se virusi fillimisht kaloi te njerëzit nga kafshët.
Por në fillim të këtij viti, raportet e mediave amerikane sugjeruan prova në rritje se virusi mund të kishte dalë nga laboratori Wuhab, ndoshta përmes një rrjedhje aksidentale.
Në maj, Presidenti Biden urdhëroi zyrtarët e inteligjencës të hetojnë origjinën e virusit, duke përfshirë teorinë e rrjedhjes së laboratorit, e cila është hedhur poshtë nga Kina.
Rreth 240 milionë raste të COVID-19 janë konfirmuar në mbarë botën, me më shumë se 4.9 milionë vdekje.