Autoritetet në Cinquefrondi të Kalabrisë kanë filluar një program interesant, me të cilin mundësohet që në komunën e tyre të blihen shtëpitë për vetëm një euro, shkruan CNN.
Sipas fjalëve të kryetarit të kësaj komune, programi i quajtur “Operacioni Bukuria”, duhet ta zgjidh problemin e të rinjve që kanë braktisur këtë rajon për të vazhduar jetën në qytetet e mëdha italiane, transmeton Telegrafi.
Shtëpitë në Cinquefrondi janë atraktive për shkak të situatës së mirë epidemiologjike – gjatë kohës së pandemisë së coronavirusit në këtë komunë nuk ka pasur as edhe një rast të infektuar me COVID-19.
E të gjithë ata që vendosin të blenë shtëpi me këtë çmim të volitshëm, duhet të rinovojnë pronat në një periudhë kohore prej tre viteve të ardhshme.
Përveç kësaj, blerësit duhet të paguajnë një taksë prej 250 euro, e nëse në periudhën kohore prej tre viteve nuk bëhen renovime, pronari i shtëpisë do të dënohet me 20 mijë euro.