Trajneri italian, Carlo Ancelotti foli për media sot para ndeshjes së Real Madridit me Gironan në La Ligan spanjolle.
Ancelotti analizoi skuadrën e Gironas, ndërsa tha se Reali duhet të reflektoj për humbjen në Ligën e Kampionëve kundër RB Leipzigut.
“Girona luan futboll të bukur dhe atyre ju pëlqen ta mbajnë topin. Ata janë të organizuar mirë sa i përket fazës ofensive. Neve na duhet të jemi të foku
suar qysh nga fillimi i ndeshjes. Pas humbjes ndaj Leipzigut, ne duam ta fitojmë këtë ndeshje. Karim Benzema nuk do të rikthehet në kohë, por ne kemi Luka Modric, Dani Ceballos, Fede Valverde, Mariano dhe Rodrygo, i cili së fundmi kishte një problem por do të jetë i gatshëm për nesër”, tha Ancelotti.
Po ashtu, Ancelotti tregoi se Reali nuk do të jetë aktiv në merkaton e janarit, duke thënë se kjo skaudër do ta mbyll sezonin 2022/23.
“Ne nuk jemi duke menduar për merkaton dimërore. Nuk jemi të interesuar në të. Kjo është skuadra që e kemi deri në fund të sezonit. Nuk do të ndryshojë.
Real Madridi i rikthehet aksionit nesër, ku zhvillon ndeshje si vendas në “Santiago Bernabeu” me fillim nga ora 16:15 kundër skuadrës së Gironas.