5 të vdekur dhe 410 raste të reja me koronavirus në Shqipëri

Ministria e Shëndetësisë e Shqipërisë ka bërë të ditur se pesë persona kanë humbur betejën me COVID-19 në Shqipëri gjatë 24 orëve të fundit.

Sipas kësaj ministrie në24 orë janë kryer 3 mijë e 499 testime, nga të cilat 410 persona kanë rezultuar pozitivë, duke shënuar rënie krahasuar me një ditë më parë.

Aktualisht në spitalet COVID po marrin trajtim 195 pacientë, nga të cilët 15 janë në gjendje më të rënduar.