Përkujdesja për zorrët nuk ndikon vetëm te tretja, ajo lidhet drejtpërdrejt me imunitetin, trurin dhe zemrën. Kjo sepse mikroorganizmat që jetojnë në traktin tretës, të njohura si mikrobioma e zorrëve, ndikojnë në përthithjen e lëndëve ushqyese, prodhimin e hormoneve dhe neurotransmetuesve, ka shkruar EatingWell.
Megjithatë, disa prej ushqimeve më të mira për zorrët shpesh keqkuptohen si të “këqija”. Ja çfarë thonë dietologët për gjashtë prej tyre.
1. Lakra turshi (Sauerkraut)
E pasur me probiotikë falë fermentimit, lakra turshi ndihmon në tretje dhe përforcon imunitetin. Gjysmë filxhani përmban rreth 2 gramë fibra. Kujdes me versionet e pasterizuara në kavanoz, pasi nxehtësia i shkatërron probiotikët, kërkoni lakër të gjallë (raw sauerkraut).
2. Fasulet dhe thjerrëzat
Edhe pse shpesh shmangen për shkak që shkaktojnë fryrje e gazra, janë burime të shkëlqyera të prebiotikëve dhe fibrës. Gjysmë filxhani fasule të zeza përmban rreth 8 gramë fibra. Fryrja në fakt është shenjë që zorrët po ushqejnë bakteret e mira.
3. Patatet (sidomos të ftohta)
Kur gatuhen dhe pastaj ftohen, krijojnë niseshte rezistente, një lloj fibre që ushqen mikrobet e mira në zorrë dhe përmirëson ndjeshmërinë ndaj insulinës. Salcat e patateve janë një mënyrë e shijshme për t’i konsumuar.
4. Orizi i bardhë (i ftohur dhe ngrohur më pas)
Ashtu si patatet, orizi i bardhë fiton niseshte rezistente kur gatuhet dhe lihet të ftohet. Orizi i mbetur mund të jetë më i mirë për zorrën dhe sheqerin në gjak se ai i sapo gatuar, sipas disa studimeve.
5. Perimet si brokoli, lakra e lulelakra
Edhe pse mund të shkaktojnë fryrje, janë të pasura me fibra dhe komponime që reduktojnë rrezikun për kancer kolorektal. Një filxhan me lakra Brukseli përmban rreth 3 gramë fibra.
6. Çokollata e zezë
Çokollata me përmbajtje të lartë të kakaos (85%) është e pasur me polifenole, të cilat veprojnë si prebiotikë. Një studim ka treguar se njerëzit që hanin 30g çokollatë me 85% kakao çdo ditë për 3 javë kishin mikrobioma më të larmishme.
Këshilla të tjera për zorrë të shëndetshme:
Qëndroni të hidratuar – uji ndihmon tretjen dhe funksionin e fibrave.
Menaxhoni stresin – stresi kronik dëmton traktin tretës, sidomos te njerëzit me sindromën e zorrëve të irrituara.
Flini mirë – mungesa e gjumit ndikon negativisht në mikrobiomën e zorrës.