Dashi – Duhet të kujdeseni për veten njësoj siç bëni me të tjerët. Ushqejeni shpirtin me diçka që ju nxit drejt lëvizjeve të guximshme dhe fillimeve të reja. Nuk ka nevojë të ngadalësoni ritmin, por të ndërmerrni veprime kurajoze që përmbushin nevojat tuaja.
Demi – Jeni një oaz qetësie në stuhi, një dorë e ngrohtë që ofron mbështetje pa nevojën e vëmendjes. Por ndërsa ndihmoni të tjerët, mos harroni veten. Tani ndiheni më mirë falë qetësisë, privatësisë dhe shërimit që lejon mençurinë tuaj të brendshme të dalë në sipërfaqe.
Binjakët – Kërkoni të krijoni lidhje me njerëz të zgjuar dhe brilantë. Ndieni gjallëri kur rrethoheni nga miqtë, kur shkëmbeni ide apo bëni shaka. Mbështetja reciproke dhe qëllimet e përbashkëta janë melhemi juaj në këtë moment.
Gaforrja – Nga kujdesi për të tjerët do të nisni të ndiqni ëndrrat tuaja. Jeni gati t’u kushtoni synimeve tuaja të njëjtën vëmendje që u jepni të tjerëve. Energjia e derdhur te ambiciet tuaja do t’ju çojë më shpejt drejt rezultatit që kërkoni. Po mbillni farat e suksesit që shumë shpejt do të lulëzojnë.
Luani – Po mbështesni personat që po hyjnë në një territor të ri. Ngrohtësia dhe mençuria juaj janë frymëzim për të tjerët, por duhet të ndryshoni disa mendime lidhur me veten që të nisni aventura të reja. Sfidoni vizionin dhe hamendësimet tuaja dhe kërkoni për “pse jo?”
Virgjëresha – Thirrja juaj tani është të kujdeseni për cepat e fshehur të botës suaj të brendshme. Çështje të lëna në hije dhe emocione të grumbulluara me të cilat duhet të punoni që të fitoni fuqi dhe energji. Do të kultivoni një version më të fortë dhe të pjekur të vetes suaj.
Peshorja – Bisedat sipërfaqësore janë pa dobi sot sepse do të dëshironi të miqësoheni me persona që ju kuptojnë. Të qenët të rrethuar nga njerëz që pasqyrojnë veten tuaj të brendshme do ju ngazëllejë.
Akrepi – Do të rigjeneroheni duke u kujdesur fillimisht për shëndetin tuaj sepse kjo është thelbësore dhe do t’ju shpërblehet shumëfish. Keni nevojë për energji të mjaftueshme që të përmbushni detyrat tuaja dhe ju nevojitet përqendrim e pasion.
Shigjetari – Keni dëshirë të merreni me hobe të reja ose pak romancë dhe është një moment i mirë.Nëse ka një shkëndijë romance apo doni të dilni me dikë që ju bën t’ju rrahë zemra fort, mos e mendoni dy herë. Javët në vijim do t’i japin prioritet kënaqësisë.
Bricjapi – Ambienti ku jetoni është tempulli juaj ku mund të hiqni mburojën dhe të tregoheni më të kujdesshëm ndaj vetes. Shtëpia është vendi ku shëroheni dhe mos u habisni nëse personat pranë jush ju shfaqin më shumë dashuri e mbështetje.
Ujori – Mendja juaj është toka dhe mendimet farat që duhet të japin filiza me ide të mëdha, besim në vete dhe fjalë pozitive. Këndvështrimi i duhur do t’ju ndihmojë të kapërceni pengesat dhe të bëni gjithçka të mundur.
Peshqit – Do ta ktheni vështrimin drejt parave duke u kujdesur më shumë për to. Do të përpiqeni të rrisni të ardhurat tuaja duke kursyer apo blerë gjëra të zgjuara. Shpejt do të kuptoni se edhe kjo është një formë kujdesi për veten.