Manchester City është rikthyer në vendin e parë të Premier League për herë të parë që nga 21 gushti, duke rihapur fuqishëm garën për titull.
Skuadra e Pep Guardiolës tashmë ndan vendin e parë me Arsenal, ku të dyja ekipet kanë nga 70 pikë dhe një goldallim identik prej +37.
Megjithatë, avantazhi aktual i takon Manchester Cityt falë efikasitetit më të madh në sulm. “Qytetarët” kanë realizuar 66 gola deri më tani, tre më shumë se Arsenali, çka i vendos në krye të tabelës.
Kjo situatë e barabartë premton një garë të fortë deri në fund të sezonit, me çdo ndeshje që mund të jetë vendimtare në luftën për titullin kampion në Angli.