Ministria e Arsimit, Shkencës, Teknologjisë dhe Inovacionit (MASHTI) përmes një njoftimi për media ka njoftuar nxënësit, prindërit dhe punonjësit e arsimit në Republikën e Kosovës, se për shkak të situatës emergjente të shkaktuar nga koronavirusi, Qeveria e Kosovës, më 26.03.2020 ka marrë vendim për vazhdimin e ndërprerjes së procesit mësimor-edukativ deri në një vendim tjetër.
“Ndërprerja e procesit edukativo-mësimor vlen për të gjitha nivelet, nga institucionet parashkollore e deri te institucionet e arsimit të lartë në sektorin publik dhe atë privat”.
“MASHTI u bën thirrje nxënësve, prindërve dhe mësimdhënësve, që të vazhdojnë ndjekjen dhe zbatimin e mësimit në distancë”, thuhet në njoftimin e kësaj ministrie.