Reperja shqiptare me famë në trevat gjermano-folëse, Loredana Zefi, së fundmi publikoi këngën e saj më të re “Angst”.
Kënga e re, e cila përkthyer në shqip do të thotë “Frikë” është pritur mirë nga fansat.
Përveç muzikës, Loredana vazhdon të jetë shumë e përfolur edhe sa i përket jetës private.
Tash e sa kohë aludohet se ajo është në një lidhje me reperin Zuna, i cili është pjesë e labelit “KMN” – në të njëjtin label ku bën pjesë edhe reperi i famshëm shqiptar, Azet.
Pas muajsh heshtje lidhur me këtë çështje, ka qenë reperi Zuna ai i cili së fundmi është deklaruar rreth raportit të tyre, duke publikuar një fotografi me Loredanën, të realizuar në mbrëmjen kur ajo mori çmimin në “Swis Music Act”.
Në mbishkrimin e kësaj fotografia, Zuna ka shkruar në gjuhën gjermane se mes dyshes ka një kimi të mirë, por që ende nuk i dihet të ardhmes. Ai gjithashtu ka sqaruar se nuk ka asnjë lloj keqkuptime me babanë e fëmijës së Loredanës, reperin Mozzik.
“Ufff mjaft kohë pa postuar dhe më pas një çast i tillë bëhet argëtues. Unë dhe Loredana kohët e fundit kemi kaluar shumë mirë. Punuam në muzikë së bashku dhe kështu kaluam shumë kohë së bashku. Ajo është një nga artistet më të ‘egra’ në Gjermani dhe unë punoj vetëm me më të mirët !!! Faleminderit në çdo rast të gjithë ‘Youtubers’-ve. Tani jemi duke punuar së bashku në biznes dhe e kuptojmë njëri-tjetrin. Nuk e di nëse diçka do të zhvillohet në një moment, por ne aktualisht po frekuentohemi dhe po bëjmë muzikë. Ajo është nënë beqare dhe keni respekt për këtë. Mu hidhni mua. Gjithashtu dua ta sqaroj se nuk kam asnjë problem me Mozzik. Askush nuk duhet të ndërhyjë në çështjet e tyre”, ka shkruar Zuna në Instagram.
Loredana përndryshe jeton dhe vepron në Zvicër me vajzën e saj një vjeçe, Hana. /Telegrafi/