Karafili është nga erëzat shumë aromatike që ka gjetur përdorim në kulinari që në lashtësi.
Ama jo shumë veta e dinë për aftësinë e tij kundër dhimbjes së dhëmbëve.
I gjithë sekreti qëndron tek një element që gjendet tek karafili.
Eugenoli është një qetësues natyral dhe antibakterial.
Ai funksionon si lehtësues i inflamacionit të mukozës së gojës.
Si ta përdorim vajin e karafilit për dhimbjen e dhëmbëve
Si fillim, ju duhet një garzë e pastër apo një topth pambuku.
Zhyteni garzën apo pambukun në vajin e karafilit.
Disa pika mjaftojnë.
Me kujdes aplikojeni sipër vendit që është skuqur apo që ju shqetëson.
Si të përgatisni vajin e karafilit në shtëpi
Piqni në një tigan farat e karafilit, në një zjarr të ngadaltë. Kështu do të jetë më e lehtë të marrim esencën e tyre.
Shpëlajini farat e karafilit me ujë të ftohtë dhe vendosini për t’i tharë.
Në një pjatë apo tas guri hidhni farat e karafilit dhe shtypini lehtë derisa të jenë copëzuar.
Shtoni vaj ulliri. Të gjithë këtë përbërje e kalojmë më ndihmën e një hinke në një shishe qelqi të vogël, të cilën do ta ruajmë në një vend të thatë dhe të freskët. Tundeni shishen çdo dy ditë.
Mbajeni vajin me farat e karafilit kështu për dy javë. Me anën e një cope të imët, kullojmë farat e karafilit nga vaji.
Ruajeni në frigorifer, dhe përdoreni brenda një muaji.
Këshilla
Përdorni gjysmë luge gjelle fara karafili për 100 ml vaj ulliri. Mund të përdorni dhe një lugë me fara nëse doni një përqendrim të aromës dhe shijes së farave të karafilit.
Vaji i karafilit është përdorur që në lashtësi për të qetësuar mishrat e dhëmbëve të inflamuar.
Disa studime sugjerojnë se larja e gojës me një gotë ujë dhe një lugë kafeje vaj karafili, bënë të mundur eliminimin e baktereve të mbetura nga ushqimet apo nga faktorë të tjerë.
Edhe me aftësinë e këtij vaji për të luftuar problemet me dhëmbët dhe mishrat, nuk duhet tepruar me përdorimin e tij. Pasi një përdorim i shpeshtë mund të sjellë dëmtim të rrënjës së dhëmbit dhe membranës së gojës.
Këshillohet që ta përdorni vetëm 2-3 herë në dy javë. /Agroweb/