Një tërmet mjaft i fortë ka goditur sërish të enjten Kroacinë.
Shërbimi Sizmologjik Kroat tha se tërmeti ishte me madhësi 3.9 sipas Rihterit, me epiqendër 10 km në perëndim të Petrinjës, në orën 09:15 të kohës lokale.
Tani për tani nuk ka raportime për dëme derisa terreni në zonën e Banovinës vazhdon të lëkundet, pas një tërmeti shkatërrues me madhësi 6.2 që goditi Petrinjën dhe zonën përreth të martën e 29 dhjetorit e që la të vdekur shtatë persona.
Po ashtu, një tërmet prej 3.7 ballësh u regjistrua edhe në mëngjesin e hershëm, në 04:43.
Të dy tërmetet janë ndjerë edhe në Zagreb.