Shkencëtarët kanë identifikuar proteinat si lëndë ushqyese thelbësore që mund të jenë çelësi për një jetë më të gjatë, ka raportuar The Sun.
Sipas një studimi të madh të Universitetit të Sidneit, të rriturit që përfshijnë proteinat në mënyrë të qëndrueshme në dietën e tyre, jetojnë më gjatë. Dhe megjithëse “proteina” është bërë një fjalë magjike në rrjetet sociale, duke filluar nga humbja e peshës deri te ndërtimi i muskujve, studiuesit kanë theksuar se forma nga e cila merret proteina ka shumë rëndësi, sidomos për jetëgjatësinë.
Studimi i botuar në Nature Communications, ka zbuluar se:
Të rriturit që konsumojnë më shumë proteina bimore, si qiqrat, djathi me bazë bimore dhe bizelet, kanë jetë më gjatë.
Ndërkohë, proteinat shtazore, si mishi, vezët dhe qumështi, mund të jenë të dobishme për fëmijët nën 5 vjeç, pasi ndihmojnë në uljen e vdekshmërisë së foshnjave
“Mendoni për proteinën si karburantin që mban trupin në lëvizje dhe të fortë. Qoftë pas stërvitjes, gjatë një gripi apo për ruajtjen e masës muskulore me kalimin e moshës – proteina është thelbësore”, ka thënë Chun Tang, mjek dhe drejtor mjekësor në Pall Mall Medical
Por për të rriturit, konsumimi i tepërt i proteinave shtazore, sidomos mishit të përpunuar, lidhet me rrezik më të lartë për sëmundje kronike si sëmundjet e zemrës, diabeti i tipit 2 dhe disa lloje kanceri.
Kjo mund të shpjegojë pse njerëzit me dietë të pasur me proteina shtazore jetojnë më pak.
Nga ana tjetër, proteinat bimore, si bimët bishtajore, arrat dhe drithërat e plota, janë lidhur me rrezik më të ulët të sëmundjeve kronike dhe vdekshmërisë.
Studiuesit kanë përmendur se dietat e pasura me proteina bimore janë të zakonshme në komunitetet që njihen për jetëgjatësinë e tyre, të quajtura Zonat e Kaltra, si Ikaria (Greqi), Okinawa (Japoni), Sardenja (Itali), Loma Linda (Kaliforni) dhe Nicoya (Kosta Rika).
Disa ushqime me bazë bimore të pasura me proteina:
Qiqrat
Thjerrëzat
Fasulet
Bizelet
Brokoli
Spinaqi
Boranitë
Djathi me bazë bimore
Qumështi i sojës
Arrat dhe farat
Gjalpi i arroreve (peanut/almond butter)
Tërshëra
Quinoa
Sasia e proteinës që nevojitet ndryshon sipas peshës trupore dhe gjendjes shëndetësore, por një rregull i përgjithshëm është: 1 gram proteina për çdo kg të peshës trupore në ditë.