Instituti Hidrometeorologjik i Kosovës, ka bërë të ditur se gjatë pesë ditëve të ardhshme pritet të mbajë mot me vranësira dhe intervale me diell.
Vranësirat gjatë orëve të vona të ditës së hënë dhe pjesës së parë të ditës së marte, parashihen të sjellin reshje shiu, përcjellë Klan Kosova.
Megjithatë, në mëngjes nëpër lugina parashihet të ketë mjegull.
Temperaturat minimale do të lëvizin ndërmjet 3-7 gradë Celsius. Ndërsa maksimalet e ditës parashihen të lëvizin ndërmjet 15-18 gradë Celsius.
Do të fryjë erë kryesisht nga veriperëndimi me shpejtësi 1-8 m/s.