73-vjeçarja nga fshati Studime e Ulët e Komunës së Vushtrrisë, e cila rezultoi pozitiv me koronavirus, ishte kthyer në Kosovë, nga Norvegjia disa ditë më parë.
Kështu ka thënë kryetari i Komunës së Vushtrrisë, Xhafer Tahiri.
“I dijmë kontaktet e familjes. Është një nënë e cila është kthyer nga Norvegjia. Djali i saj ka rezultuar pozitiv me koronavirus në Norvegji, dhe në momentin që djali i saj rezultuar pozitiv me koronavirus, familja është vendosur në vetëizolim”, ka thënë Tahiri për Insajderin.
Ai tha se e gjithë familja e 73-vjeçares janë vendosur në karantinë.
Komuna sipas Tahirit, do ta shqyrtojë mundësinë e vendosjes në karantinë e të gjithë fshatit Studime e Ulët.