Nëse jeni me fat që në oborrin tuaj rritet një fik, atëherë keni pranë vetes një thesar të vërtetë natyror. Jo vetëm frutat, por edhe gjethet e tij ofrojnë përfitime të jashtëzakonshme për shëndetin dhe mund të shndërrohen në ëmbëlsues natyral me shije të parezistueshme. Shumë njerëz thonë se shurupi i bërë nga gjethet e fikut u kujton aromën e kokosit ose të vaniljes.
Për çfarë shërbejnë gjethet e fikut?
Ato ulin trigliceridet, ndihmojnë në rregullimin e presionit të gjakut, mund të kontribuojnë në parandalimin e diabetit, si dhe kanë efekt antioksidues dhe anti-inflamator.
Receta për shurupin e gjetheve të fikut
Merrni dy grushte gjethe të freskëta fiku, lajini mirë dhe zieni në rreth një litër ujë derisa të marrin ngjyrë të errët. Kullojeni lëngun dhe shtoni sheqer kaf ose një ëmbëlsues natyral sipas dëshirës. Lëreni të zihet derisa të fitojë strukturën e shurupit dhe më pas ruajeni në kavanoza të sterilizuara në frigorifer. Ky shurup mund të përdoret si ëmbëlsues për kafe, çaj, petulla, bollgur, kos, smoothie apo ëmbëlsira të ndryshme.
Receta për çajin e gjetheve të fikut
Mblidhni gjethe të reja, lajini dhe lërini të thahen në hije. Pasi të thahen, thërrmojini dhe ruajini në kavanoz. Për çaj, shtoni dy lugë çaji gjethe të thata në një filxhan ujë të valë, lëreni të qëndrojë për 15 minuta dhe më pas kullojeni. Ky çaj është i pasur me vlera shëndetësore, pasi ndihmon në rregullimin e insulinës, triglicerideve dhe kolesterolit.
Eliksir i shëndetit dhe shijes
Qoftë si shurup, qoftë si çaj, gjethet e fikut ofrojnë një mënyrë të natyrshme për të forcuar organizmin dhe për të ëmbëlsuar jetën pa kosto të mëdha. Një thesar i vërtetë mesdhetar që nuk duhet shpërdoruar!