Ka përfunduar takimi i thirrur nga kryetari i Lëvizjes Vetëvendosje, Albin Kurti, me liderët e partive parlamentare, me synimin për të zhbllokuar situatën politike dhe për të diskutuar rreth konstituimit të Kuvendit të ri.
Për më shumë se dy orë ka zgjatur takimi i liderëve të partive politike, i thirrur nga kryetari i Lëvizjes Vetëvendosje, Albin Kurti, pas aktgjykimit të fundit të Gjykatës Kushtetuese, që obligon konstituimin e Kuvendit të ri brenda 30 ditëve.
“Së bashku me nënkryetaren e LDK-së, deputeten Bajrami, morëm pjesë me vullnet dhe qëllim të mirë për të gjetur zgjidhje, ndonëse me drojën se takimi ishte më shumë një farsë sesa substancial. Fatkeqësisht, kjo drojë u vërtetua – qëndrimet e deputetit Kurti ishin të njëjtat si më parë”, tha Abdixhiku.
Pas përfundimit të takimit, kryetari i Lidhjes Demokratike të Kosovës (LDK), Lumir Abdixhiku, deklaroi se mbledhja ishte më shumë një farsë publike sesa përpjekje reale për zgjidhje politike.