Portieri i Kosovës, Arijanet Muriq, është në mesin e lojtarëve që te Manchester City po planifikojnë t’i nxjerrin në shitje gjatë afatit kalimtar të verës, kanë raportuar mediumet angleze të mërkurën.
City që tashmë e ka transferuar Erling Haalandin, po planifikon edhe blerjen e të paktën dy lojtarëve tjerë, Kalvin Phillipsit e Marc Cucurellas.
E për të krijuar fonde për blerjen e tyre, te City do t’i shesin të paktën shtatë futbollistë, në mesin e tyre edhe Muriq.
Portieri 24-vjeçar ka kontratë me Cityn deri në vitin 2024 dhe dy sezonet e fundit ka qenë i huazuar te Nottingham Foresti, Granada e Adanaspori.
Kartoni i tij vlerësohet rreth tre milionë euro kurse interesim për të ka treguar skuadra e Championshipit, Burnley.