Ministria e Industrisë, Ndërmarrësisë, Tregtisë dhe Inovacionit (MINTI) ka bërë të ditura çmimet maksimale të lejuara të derivateve të naftës për ditën e sotme.
Sipas njoftimit të ministrisë, çmimi maksimal i naftës (dizelit) është caktuar në 1.52 euro për litër, benzina do të shitet me çmim maksimal prej 1.39 euro për litër, ndërsa gazi me 0.68 euro për litër.
Këto çmime hyjnë në fuqi nga ora 10:00 dhe do të mbeten në fuqi deri në të njëjtën orë të ditës së nesërme. MINTI vazhdon të përcaktojë çdo ditë çmimet tavan të derivateve në përputhje me lëvizjet e tregut dhe legjislacionin në fuqi.
Krahasuar me ditët e kaluara të javës, çmimet e derivateve kanë shënuar luhatje të vogla. Nafta sot është caktuar në 1.52 euro për litër, ndërsa në disa ditë të javës është shitur deri në 1.58 euro për litër. Edhe benzina ka pësuar ulje, duke zbritur në 1.39 euro për litër nga nivelet prej 1.53 euro për litër të regjistruara më herët gjatë javës. Ndërkaq, çmimi i gazit ka mbetur relativisht i qëndrueshëm.
