Mobilizimi i tifogrupit “Intelektualët” për ndeshjen e kthimit ndaj Royal Antwerp ka nisur që nga momenti kur Drita barazoi 0:0 në ndeshjen e parë në Belgjikë (0-0). Interesimi për t’u pajisur me biletë për atë takim është jashtëzakonisht i lart në qytetin e Gjilanit por edhe më gjerë.
Tifozeria “bardhekaltër” do të vendoset në pjesën veriore të stadiumit, me njoftimin që e kanë bërë të ditur vetë “Intelektualët”.
Demokracia.com mëson se vetëm pesë orë pasi biletat kanë dalur në treg, deri më tani 1300 të tilla janë shitur. Këtë e kanë konfirmuar për portalin edhe disa persona të autorizuar nga klubi gjilanas në pikat e shitjes.
Kjo shifër tregon se të enjten stadiumi “Fadil Vokrri” do të jetë i zjarrtë nga tifogrupit gjilanas.
Bëhet e ditur se numër i madh i biletave janë duke u shitur në pjesën veriore, ku do të vendosen “Intelektualët”, dhe në sektorin e Lindjes.
Ndeshja ndërmjet Dritës dhe Antwerp luhet të enjten me fillim nga ora 20:00 në Prishtinë, në kuadër të rrethit të dytë kualifikues në Ligën e Konferencës.