Viruset në telefona janë të përhapura këto ditë me kërcënime të reja që shfaqen gjatë gjithë kohës.
iPhone është mjaft i sigurt për shkak të standardeve strikte të Apple, por disa mashtrues ende menaxhojnë të mashtrojnë disa njerëz, shkroi TheSun.
Mund të vijë nga një mesazh i dyshimtë ose email, për shembull.
Ka më shumë gjasë të ndodh kur futeni nëpër faqe të ndryshme.
Gjëja më pak e dëmshme që mund të ndodhë nga kjo është kur hapen reklama të cilat vetëm ju nervozojnë.
Por, më e keqja ndodh kur u marrin para nga ju.
Disa shenja që tregojnë se keni rënë pre e mashtrimit:
Aplikacione të panjohura
Shikoni në telefonin tuaj nëse keni ndonjë aplikacion që nuk e njihni.
Nëse hasni një që nuk e mbani mend që e keni instaluar, mund të jetë burim i virusit.
Kontrolloni përdorimin e aplikacioneve
Shkoni në “Settings” dhe më pas “Mobile Data”.
Aty do të shihni aplikacionet që po përdorni më së shumti dhe nëse përputhet me kohën që e keni kaluar në to.
Kontrolloni baterinë
Viruset mund ta shpenzojnë baterinë tuaj.
Sërish në “Settings” mund të shihni cilat aplikacione po e shpenzojnë më shumë baterinë dhe aty mund të vëreni anomalitë.
Çfarë të bëni nëse vëreni virus
Nëse është e mundur, fshijeni aplikacionin.
Po ashtu, duhet ta fikni dhe ta rindizni telefonin.