Ne të gjithë hamë ushqime të shpejta si pica të ngrira dhe ushqime të gatshme që e bëjnë jetën tonë të ngarkuar shumë më të lehtë, shkruan revista “Eat This, Not That”.
Megjithatë, nëse më shumë se 20 për qind e kalorive në ditë vijnë nga ushqimet e shpejta, ju mund të rrisni rrezikun e harresës, thotë një studim i ri.
Kjo sasi do të ishte rreth 400 kalori në ditë në një dietë me 2000 kalori në ditë. Për krahasim, një porosi e vogël patate të skuqura McDonald’s dhe një hamburger i zakonshëm përmbajnë gjithsej 530 kalori.
Pjesa e trurit e përfshirë në funksionimin ekzekutiv – aftësia për të përpunuar informacionin dhe për të marrë vendime – është veçanërisht e goditur, sipas një studimi të botuar në JAMA Neurology.
Burrat dhe gratë në studim që hëngrën më shumë këtë lloj ushqimi kishin një shkallë më të shpejtë të rënies së funksionit ekzekutiv 25 për qind dhe 28 për qind më të shpejtë të dëmtimit të përgjithshëm njohës krahasuar me ata që hanin ushqime jo të shpejta.
Mostra është e madhe dhe ndjekja e gjerë. Edhe pse nuk ka prova, kjo është mjaft argument për të arritur në përfundimin se ushqimet e shpejta janë të këqija për trurin tonë.
Megjithatë, pati një kthesë interesante. Nëse cilësia e dietës së përgjithshme ishte e lartë – që do të thotë se personi hante gjithashtu shumë fruta dhe perime të papërpunuara, drithëra dhe burime të shëndetshme proteinash – lidhja midis ushqimeve të shpejta dhe ndikimi në harresë u zhduk.
Studimi ndoqi mbi 10 mijë brazilianë për 10 vjet. Pak më shumë se gjysma e pjesëmarrësve në studim ishin gra, të bardha ose të arsimuara universitare, ndërsa mosha mesatare ishte 51 vjeç.
Testimi kognitiv, i cili përfshinte kujtimin e menjëhershëm dhe të vonuar të fjalëve, njohjen e fjalëve dhe rrjedhshmërinë verbale, u administrua në fillim dhe në fund të studimit dhe pjesëmarrësit u pyetën për dietën e tyre.