Me rrezikun e rritjes së luftës, presidenti rus Vladimir Putin dhe presidenti i SHBA-së Joe Biden po zhvillojnë një bisedë telefonike të shtunën, ndërsa shqetësimi se një pushtim i Ukrainës mund të fillojë brenda disa ditësh po rritet, njoftoi Shtëpia e Bardhë.
Para se të fliste me Bidenin, Putin pati një telefonatë me presidentin francez Emmanuel Macron, i cili u takua me të në Moskë në fillim të javës për t’u përpjekur të zgjidhte krizën më të madhe të sigurisë midis Rusisë dhe Perëndimit që nga Lufta e Ftohtë. Një përmbledhje e bisedimeve mes tyre nga Kremlini sugjeroi se ishte bërë pak përparim drejt zbutjes së tensioneve.
Një shenjë se zyrtarët amerikanë po përgatiteshin për skenar të rastit më të keq, Shtetet e Bashkuara njoftuan planet për të evakuuar ambasadën e tyre në kryeqytetin ukrainas dhe Britania iu bashkua vendeve të tjera evropiane duke u kërkuar qytetarëve të saj të largoheshin nga Ukraina.
Rusia ka grumbulluar mbi 100 mijë trupa pranë kufirit me Ukrainën dhe ka dërguar trupa në stërvitje në Bjellorusinë fqinje, por mohon se ka ndërmend të nisë një ofensivë kundër Ukrainës.