“Strukturat paralele u legalizuan, rroftë qeveria”, shkruan në pankartën e vendosur nga Partia Socialdemokrate (PSD), para objektit të Qeverisë.
Kryetari i PSD-së, Dardan Molliqaj tha para mediave se në dialogun Kosovë-Serbi ka dakordim, por jo edhe marrëveshje.
“Janë marrë vesh, e nuk na kanë treguar për çfarë janë marrë vesh. Këtë e kanë vërë me qëllim për shkak që ata kanë bërë një marrëveshje dhe është shumë e dëmshme, për shkak se marrëveshja e re i ka legalizuar, i ka pranuar dokumentet e strukturave paralele të Serbisë, që janë edhe ilegale”, ka thënë Molliqaj.
![](https://scontent.fprn3-1.fna.fbcdn.net/v/t39.30808-6/301797178_613103336931173_8356763981668002609_n.jpg?_nc_cat=105&ccb=1-7&_nc_sid=730e14&_nc_ohc=c7ZUuJss2jwAX8ukroF&_nc_oc=AQnKUqB45OMX9Zylnccl2VS7iw1pMoqR-H3moQIxcTIlciBhHm0919tm_5Qcl1AU_xo&_nc_ht=scontent.fprn3-1.fna&oh=00_AT8HNATe11Yo-phXcdkWmhOyc6AhMkTqSEI15Qha6bdwwA&oe=6312E19C)
Në pankartën e vendosur, Molliqaj shtoi se kanë paraqitur karta të identifikimit që lëshohen nga drejtoritë e policisë për rajone të ndryshme. Ai shtoi se Kurti është dakorduar që në Kosovë mund të futesh me dokument që Kosovën e trajton si pjesë të Serbisë.