Nga sot Shqipëria do të izolohet totalisht. Kryeministri i Shqipërisë, Edi Rama ka njoftuar se kufiri tokësor i Shqipërisë do të jetë i hapur vetëm për transport mallrash.
“Në mesnatë, ora 00.00, të gjitha hyrjet tokësore në Shqipëri nga Mali i Zi, Kosova, Maqedonia e Veriut dhe Greqia, do të mbyllen për të gjithë udhëtarët me autobus, mikrobuz apo veturë! Kufiri tokësor i Shqipërisë do të qëndrojë kudo i hapur vetëm për transportin e mallrave. Frikë aspak, kujdes po!”, ka shkruar Rama.
Prej dy ditësh, kryeqyteti, por edhe disa qytete ndodhen të izoluara, pas urdhrit të kryeministrit Edi Rama.
Ka shkuar në 38 numri i personave të konfirmuar me koronavirus në Shqipëri.