Valbon Krasniqi jep dorëheqje nga pozita e drejtorit në SHSKUK-së


Drejtori i Shërbimit Spitalor Klinik Universitar të Kosovës, Valbon Krasniqi, ka dhënë dorëheqje nga kjo pozitë.

Bordi Drejtues i SHSKUK-së në mbledhjen e mbajtur të martën, ka miratuar dorëheqjen e tij.

“Ju njoftojmë se Bordi Drejtues i SHKUK-së, në mbledhjen e mbajtur me datë 02.08.2022 ka miratuar dorëheqjen e Drejtorit të Përgjithshëm të Shërbimit Spitalor dhe Klinik Universitar të Kosovës (SHSKUK), Dr. Valbon Krasniqi”, thuhet në njoftimin e Bordit të SHSKUK-së.

Ushtruese e detyrës së kësaj pozite është emëruar Pranvera Zejnullahu-Raçi.