Ka vdekur në moshën 44 vjeçare profesori Arben Dermaku.
Dermaku ishte i prekur me COVID-19.
Lajmin e ka bërë të ditur nëpërmjet një njoftimi Xhevat Sopi, dekan i Fakultetit Ekonomik në Universitetin e Gjilanit.
“Njoftohen, shokët, miqtë, kolegët, bashkëpunëtorët se sot, në moshën 44 vjeçare, Prof.Asoc.Dr. Arben Dërmaku humbi betejën me COVID-19. I ndjeri ishte profesor i rregullt në Fakultetin Ekonomik të Universitetit të Prishtinës si dhe Rektori themelues i Universitetit “Kadri Zeka Në Gjilan, të cilin e drejtoi për dy vjet”.
“Ai krijoi bagazh të gjerë të punës kërkimore shkencore me një numër të konsiderueshëm të artikujve shkencor të botuar në revista ndërkombëtare si dhe disa libra universitare. Prof.Asoc.Dr. Arben Dërmaku, la pas vetes gruan dhe djalin. Prehu në paqe shoku im i shtrenjtë!”.