Gruaja shtatzënë e cila ka humbur jetën, është qëlluar me armë zjarri nga një person i cili dyshohet se është burri i saj. Kështu ka bërë të ditur një anëtar i stafit të QKUK-së për Radio Dukagjini.
Jetën e kanë humbur edhe gruaja edhe fëmija, dyshohet se vdekja e tyre ka qenë e menjëhershme.
Ngjarja dyshohet se ka ndodhur në QKUK, pranë klinikës së Gjinekologjisë.
Trupi i pajetë po qëndron ende në vendin e ngjarjes.
Rastin e ka konfirmuar edhe Policia e Kosovës, ku kanë thënë viktima dyshohet të jetë e moshës 35-vjeçare.
Valbona Hoti, nga Policia e Kosovës, ka thënë se hetimet për këtë rast janë duke u zhvilluar dhe se deri më tani nuk ka ndonjë gjë konkrete.
“Rreth orës 18, kemi pranu informatë për një trup të pajetë. Me të marrë info policia ka dalë në vendngjarje bashkë me njësinë mjekësore, kanë konstatuar vdekjen e një femre 36 vjeçare. Hetimet janë duke u zhvillu nuk mundem të konfirmoj, jemi duke punu në këtë drejtim”, ka thënë ajo.
Ngjarja e rëndë është konfirmuar edhe nga Qendra Klinike Universitare e Kosovës, të cilët kanë thënë se rreth orës 18:00, në oborrin e QKUK-së ka ndodhur një vdekje.
Sipas tyre, organet policore kanë dalë menjëherë në vendin e ngjarjes dhe se dyshimet e para dyshimet e para sygjerojnë se bëhet fjalë për vrasje.
“Qendra Klinike Universitare e Kosovês konfirmon se sonte rreth orës 18:00, në oborrin e QKUK-së ka ndodhur një vdekje. Organet policore menjëherë ka dalë në vendin e ngjarjes si dhe dyshimet e para nga Policia janë se bëhet fjalë për vrasje. Policia në koordinim me prokurorin e shtetit ka nisur një hetim dhe po vijon ndërmarrjen e të gjitha veprimeve hetimore dhe të ekzaminimit, me qëllim të sqarimit të plotë të ngjarjes”, thuhet në njoftim.
ShSKUK, tutje kanë thënë se detajet e tjera do të jepen nga organet kompetente që janë duke kryer hetimet.
