Ledri Vula dhe Xhensila Myrtezaj kanë lansuar këngën më të re të titulluar “Let pe lun”, një projekt veror që pritet të kthehet në hitin e kësaj vere. Kënga është publikuar në YouTube dhe shoqërohet me një videoklip dinamik e plot atmosferë të nxehtë verore.
Teksti i këngës është shkruar nga vetë Ledri në bashkëpunim me reperin Elinel, ndërsa performanca dhe kimi artistike mes Ledrit dhe Xhensilës ka tërhequr menjëherë vëmendjen e publikut.
Përveç muzikës, në rrjetet sociale ka nisur të qarkullojë një thashethem se mes dy artistëve mund të ketë nisur edhe një romancë. Edhe pse asnjëri prej tyre nuk ka konfirmuar apo mohuar lajmet, fansat janë kuriozë dhe të ndarë mes pritjes për muzikë të re dhe lajmeve për jetën e tyre private.
A është kjo thjesht një bashkëpunim artistik apo fillimi i diçkaje më shumë? Koha do ta tregojë. Deri atëherë, “Let pe lun” po dëgjohet gjithandej dhe po mbledh miliona klikime.