Kryetari i Partia Demokratike e Kosovës, Bedri Hamza, ka deklaruar se procesi i zgjedhjes së Presidentit të vendit nuk është çështje e një partie të vetme, por përgjegjësi e përbashkët e të gjithë përfaqësuesve të zgjedhur të qytetarëve.
Hamza bëri të ditur se i është përgjigjur pozitivisht ftesës së kryeministrit Albin Kurti për të diskutuar zhvillimet politike dhe procesin e zgjedhjes së Presidentit të ri, duke theksuar rëndësinë e dialogut institucional.
Sipas tij, PDK-ja, si subjekt opozitar, nuk ka qenë dhe nuk do të jetë pengesë për proceset shtetërore, por njëkohësisht nuk do të mbështesë kandidatura që nuk reflektojnë unitetin qytetar dhe frymën kushtetuese.
“Është e domosdoshme që ata që kanë përgjegjësinë kushtetuese të propozojnë kandidatura me mbështetje të gjerë, duke shmangur kalkulimet afatshkurtra partiake”, ka theksuar Hamza, duke shtuar se stabiliteti institucional është jetik për vendin.
Në fund, ai nënvizoi se për PDK-në interesi shtetëror mbetet mbi çdo kalkulim politik dhe se ky standard do të mbrohet me vendosmëri.