Kriptovaluta Ethereum, për herë të parë ka kaluar vlerën e 3200 dollarëve në disa prej bursave kryesore, përfshirë Bybit, Coinbase dhe BitMEX.
Vlera e kriptovalutës së dytë më të madhe, sot i është rritur vlera në mbi 3.200 dollarë amerikanë, që nënkupton një rritje prej 12 për qind brenda një dite.
E kur bëhet fjalë për një javë, vlera e Ethereum është rritur për 30 për qind, kurse nga fillimi i vitit është katërfishuar.
Sa i përket kapitalizimit të përgjithshëm të tregut, Ethereum, me 368 miliardë dollarë, ka tejkaluar korporatat si Walt Disney, Nestle dhe Bank of America.