Ka dhënë dorëheqje kryebashkiaku i Kukësit, Safet Gjici, pas një video intime që iu publikua gjatë ditës së sotme.
Gjici në reagimin e tij publik ka kërkuar falje për videon, dukë thënë se prapa saj qëndrojnë kundërshtarët e tij.
Në reagimin e bërë në Facebook, ai ka njoftuar se ka dhënë dorëheqje nga posti.
“Ndjesë të thellë publike çdokujt që sot ka parë atë material të shëmtuar video. Pas një fushate dhe përballjeje jo të lehtë me kundërshtarët e mi, pas të cilës rezultova fitues, fatkeqësisht unë rash pre e një kurthi të përgatitur me detaje nga e njëjta dorë njerëzish me të cilët u përballa në zgjedhje. Ja arritën ta bëjnë në një formë tjetër të pistë atë që se bënë dot me votën e kuksianëve”, thotë ai.
Kryebashkiaku i Kukësit kryen marrëdhënie seksuale në zyre (Video)
Tutje, ai ka shkruar se me vajzën që iu publikua video është në një lidhje.
“Jam shumë i keqardhur për ngjarjen dhe jam më se i qartë se në këtë situatë nuk ka vlerë asnjë lloj sqarimi. Prej disa kohësh unë kam një marrëdhënie intime me vajzën në fjalë por sigurisht nuk kam asnjë justifikim për atë çka ka ndodhur pavarësisht se i rënë në kurth. Nuk mund të jem më unë njeriu që punon në atë zyrë shteti pasi e kam tradhtuar besimin e atyre mijëra njerëzve që besuan e punuan me mua për ta bërë Kukësin një qytet gjithnjë e më të mire”, shton mes tjerash ai.
Në fund të reagimit, ai ka shkruar “Ndjesë të gjithëve dhe mirënjohje gjithë jetën kujtdo më besoi dhe mbështeti”.
“Ishte nderi i jetës time që u njollos nga një mendjelehtësi e pafalshme ndaj sot ndjej detyrimin minimal të jap dorëheqjen! Zoti ju bekoftë të gjithëve”.