Kryeministri Albin Kurti në konferencën për media pas paralajmërimeve nga LDK-ja për mocion të mosbesimit ndaj Qeverisë Kurti, ka folur për shkarkimin e ministrit të Punëve të Brendshme dhe Administratës Publike, Agim Veliu.
Ai tha se të thuash pa kurrfarë evidence pa kurrfarë raporti se numri i të infektuarve me koronavirus po shtohet nga ora në orë është e papërgjegjshme.
“ I pyetur nga gazetari se a jeni pro shpalljes së gjendjes së jashtëzakonshme, ish-ministri tha po sigurisht, kjo është e palejueshme dhe unë nuk kisha zgjidhje tjetër përpos ta liroj nga detyra ish-ministrin Veliu. E kam njoftuar kryetarin e LDK-së dhe kam kërkuar një emër tjetër”, ka thënë Kurti.
Sipas tij, Veliu ka bërë tradhti të dyfishtë, së pari ndaj Qeverisë dhe së dyti ndaj Policisë së Kosovës.
“Të jesh ministër i punëve të brendshme dhe të kërkosh kokë në vete shpallje të gjendjes së jashtëzakonshme do të thotë ta nënçmosh Policinë e Kosovës”, ka thënë Kurti.