Aleanca Kosova e Re (AKR) dhe Lidhja Demokratike e Kosovës (LDK), pritet që sot të zyrtarizojnë koalicionin parazgjedhor për zgjedhjet e parakohshme parlamentare.
Kështu ka bërë të ditur Naim Murseli, këshilltari i politik i Behgjet Pacollit.
“Sot deri në ora 18:00 do të deklarohet koalicioni parazgjedhor me LDK-në në Komisionin Qendror të Zgjedhjeve. Një bashkëpunim konstruktiv dhe i natyrshëm. Një listë e përbashkët e një koalicioni fitues”, ka shkruar Murseli.
Ndryshe, afati për dorëzimin e koalicioneve në KQZ përfundon sot në orën 18:00. KQZ ka njoftuar më herët se deri më tani asnjë koalicion nuk është dorëzuar në këtë institucion.